ଡ୍ରଗ୍ସ ଚାଟକୁ ସ୍ୱୀକାର କଲେ କରିଶ୍ମା, ଦୀପିକାଙ୍କ ସହ ସାମ୍ନାସାମ୍ନି ହେବ ଜେରା

ମୁମ୍ବାଇ: ଆଜି ଦୀପିକା ପାଦୁକୋନଙ୍କ ମ୍ୟାନେଜର କରିଶ୍ମାଙ୍କୁ ଜେରା କରିଛି NCB । ତେବେ କାଲି ମଧ୍ୟ ତାଙ୍କୁ ପଚରାଉଚରା ପାଇଁ NCB ଡାକିଛି । ଦୀପିକା ପାଦୁକୋନଙ୍କୁ ସାମ୍ନା ସାମ୍ନି ବସାଇ ଏନସିବି ଜେରା କରିବ । ସୂଚନା ଅନୁଯାୟୀ, କରିଶ୍ମା ଡ୍ରଗ୍ସ ଚାଟକୁ ସ୍ୱୀକାର କରିଛନ୍ତି । କିନ୍ତୁ ଡ୍ରଗ୍ସକୁ ନେଇ ସଠିକ ରୂପେ ଉତ୍ତର ଦେଉନାହାନ୍ତି ।  ସେଥିପାଇଁ ଦୀପିକା ଏବଂ କରିଶ୍ମାଙ୍କୁ ସାମ୍ନାସାମ୍ନି ବସାଇ ଜେରା କରିବାକୁ ନିଷ୍ପତ୍ତି ନେଇଛି NCB । ସୂଚନା ଅନୁଯାୟୀ କରିଶ୍ମାକୁ ଆଜି NCB ୬ ଘଣ୍ଟା ଧରି ଜେରା କରିଛି ।

ତେବେ ଅନ୍ୟପଟେ ଏନସିବି ଆଜି ବଲିଉଡ ଅଭିନେତ୍ରୀ ରାକୁଲପ୍ରୀତଙ୍କୁ ଜେରା କରିଛି । ପଚରାଉଚରା ବେଳେ ସେ ଅନେକ ବଡ଼ ଖୁଲାସା କରିଛନ୍ତି । ସେ କହିଛନ୍ତି ଯେ, ତାଙ୍କ ଘରେ ଡ୍ରଗ୍ସ ଥିଲା ସତ କିନ୍ତୁ ତାହା ରିୟା ରଖିଥିଲେ । ଅନେକ ବଡ ତାରକାଙ୍କ ମ୍ୟାନେଜରଙ୍କୁ NCB ପ୍ରଶ୍ନ କରିଛି । ଏହି ଯାଞ୍ଚରେ ଗୋଟିଏ ପଟେ ଅନେକ ବଡ ନାମ ବାହାରୁଥିବା ବେଳେ ରିୟାଙ୍କ ପାଇଁ ଅସୁବିଧା ବଢ଼ିବାରେ ଲାଗିଛି । ଏବେ ଦେଖିବା ବାକି ରହିଲା ଯେ ଶନିବାର ଦିନ ଦୀପିକା, ସାରା, ଶ୍ରଦ୍ଧା କପୁରଙ୍କୁ ଜେରା ବେଳେ ଆଉ କେତେ ରହସ୍ୟ ପଦାକୁ ଆସୁଛି ।