ଶାଶୂ ଚିରିଦେଲେ ପାଲ, ଦୀପିକା ପକାଇଲେ ତାଲା

ବ୍ରହ୍ମପୁର: ୬୫ ଦିନ ହେବ ଧାରଣାରେ ଥିବା କେ. ଦୀପିକା ପୁଣି ଚର୍ଚ୍ଚାରେ । ଦୀର୍ଘ ଦିନ ଧରି ଧାରଣାରେ ବସିଥିବା ବେଳେ ଶାଶୁ ଶ୍ବଶୁର ତାଲା ପକାଇ କେଉଁଆଡ଼େ ପଳାଇଥିଲେ । ଆଜି ବ୍ରହ୍ମପୁର ଫେରି ଚାବି ଖୋଲି ଘରକୁ ଯାଉଥିବା ବେଳେ ଦୀପିକା ଟାଙ୍ଗିଥିବା ପାଲ ଚିରି ଦେଇଥିବା ଅଭିଯୋଗ ହୋଇଛି । ଫଳରେ ଘଟଣାସ୍ଥଳରେ ହାତାହାତି ପରିସ୍ଥିତି ସୃଷ୍ଟି ହୋଇଛି ।

ଶାଶୁଘର ଲୋକଙ୍କୁ ଦୀପିକା ମାଡ ମାରିଥିବା ମଧ୍ୟ ଅଭିଯୋଗ ଆସିଛି । ଏପଟେ ମୋର ଯଦି କିଛି ହୁଏ ତାହାହେଲେ ଶ୍ବଶୁର ଘର ଲୋକ ଦାୟୀ ବୋଲି କହିଛନ୍ତି ଦୀପିକା । ଶାଶୂ ଘରେ ନିଜ ହକ୍ ଦାବି କରି ବାରଣ୍ଡାରେ ଧାରଣା ଦେଇଛନ୍ତି ଦୀପିକା । ଦୀପିକାଙ୍କ ଶାଶୁ ଘର ଲୋକ ଏବଂ ଦୀପିକା ଦୀର୍ଘ ସମୟ ଧରି ଯୁକ୍ତିତର୍କ ହୋଇଥିବା ଦେଖିବାକୁ ମିଳିଛି  । ପରେ ଶାଶୁଘର ଲୋକଙ୍କୁ ଭିତରକୁ ନଛାଡିବାକୁ ଅଡ଼ି ବସିଛନ୍ତି ଦୀପିକା  ।