ଅଭିନେତ୍ରୀ ଆଲିଆ ଭଟ୍ଟଙ୍କ ଡିପଫେକ୍ ଭିଡିଓ ଭାଇରାଲ

ନନ୍ଦିଘୋଷ ବ୍ୟୁରୋ: ଅଭିନେତ୍ରୀ ଆଲିଆ ଭଟ୍ଟଙ୍କ ଡିପଫେକ ଭିଡିଓ ଭାଇରାଲ। କ୍ରମାଗତ କିଛିଦିନ ଧରି ବଲିଉଡ ଅଭିନେତା ଓ ଅଭିନେତ୍ରୀଙ୍କ ଡିପଫେକ ଭିଡିଓ ଭାଇରାଲ ହେଉଥିବାବେଳେ ଏବେ ଆଲିଆଙ୍କ ଭିଡିଓକୁ ନେଇ ଜୋର ଧରିଛି ଚର୍ଚ୍ଚା। `ଗେଟ ରେଡି ୱିଥ ମି’ ଟ୍ରେଣ୍ଡରେ ଅଭିନେତ୍ରୀ ଆଲିଆ ଭଟ୍ଟଙ୍କ ଡିପଫେକ ଭିଡିଓ ଦେଖାଯାଇଛି ଯାହାକୁ ଇନଷ୍ଟାଗ୍ରାମରେ ସେୟାର କରାଯାଇଛି। ଭିଡିଓରେ ସେ କଳା କୁର୍ତ୍ତା ପରିଧାନ କରିଥିବା ଦେଖାଯାଇଛି। ପୂର୍ବରୁ ଆଲିଆ ଭଟ୍ଟ ଓ ଅଭିନେତା ୱାମିକା ଗାବିଙ୍କ ଫଟୋ ବି ଭାଇରାଲ ହୋଇଥିଲା। ଆର୍ଟିଫିସିଆଲ ଇଣ୍ଟେଲିଜେନସ ଜରିଆରେ ହେଉଥିବା ଡିପଫେକ ଭିଡିଓ ଏବେ ବିଭିନ୍ନ ସ୍ତରରେ ଚିନ୍ତାର କାରଣ ହୋଇଛି। ପୂର୍ବରୁ ରଶ୍ମିକା ମନ୍ଦାନ୍ନା, କାଜୋଲ, କାଟ୍ରିନ କୈଫ, ଆମିର ଖାଁ, ରଣବୀର ଓ ସାରା ତେନ୍ଦୁଲକରଙ୍କ ଡିପଫେକ ଭିଡିଓ ବି ଭାଇରାଲ ହୋଇଥିଲା।