ଉତ୍ତର ଆନ୍ଧ୍ର ଉପକୂଳ ଛୁଇଁଲା ଡିପ୍ ଡିପ୍ରେସନ୍: ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷା
1 min read
ଭୁବନେଶ୍ୱର: ଉତ୍ତର ଆନ୍ଧ୍ର ଉପକୂଳ ଛୁଇଁଲା ଡିପ୍ ଡିପ୍ରେସନ । ଆନ୍ଧ୍ରପ୍ରଦେଶ କାକିନାଡା ନିକଟରେ ଗଭୀର ଅବପାତ ଛୁଇଁଥିବା ସୂଚନା ମିଳିଛି। ସକାଳ ସାଢେ ୬ରୁ ସାଢେ ୭ ମଧ୍ୟରେ ଘଣ୍ଟାପ୍ରତି ୧୭ କିଲୋମିଟର ବେଗରେ ଗଭୀର ଅବପାତ ଅତିକ୍ରମ କରିଥିବା ସୂଚନା ମିଳିଛି ।
ଏହାର ପ୍ରଭାବରେ ଦକ୍ଷିଣ ଓଡିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷା ଆରମ୍ଭ ହୋଇଛି। ରାଜ୍ୟର ଦକ୍ଷିଣ-ପୂର୍ବ ଜିଲ୍ଲାଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର। ଏହା ସହ ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ମଧ୍ୟ ବର୍ଷା ସମ୍ଭାବନା ରହିଛି । ବିଶେଷ କରି ରାୟଗଡା, ମାଲକାନଗିରି, କେରାପୁଟ, ଗଜପତି ଓ ଗଞ୍ଜାମ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ । ସମୁଦ୍ର ଭିତରକୁ ଯିବା ପାଇଁ ମତ୍ସଜୀବୀଙ୍କୁ ବାରଣ କରାଯାଇଛି ।
