ବିଜେପି କର୍ମୀ ବାଣଫୁଟାଇଲେ ଜଳିଗଲା ଦେକାନ ସହ ଲକ୍ଷାଧିକ ଟଙ୍କାର ସମ୍ପତ୍ତି

ବିଞ୍ଝାରପୁର : କାଳ ହେଲା ବିଜେପିର ରୋଡ ଶୋ । ବିଜେପି କର୍ମୀଙ୍କ ବାଣଫୁଟାରେ ଜଳିପୋଡି ଗଲା ଦେକାନ ଘର ସମେତ ଲକ୍ଷାଧିକ ଟଙ୍କାର ଧନ ସମ୍ପତ୍ତି । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବିଞ୍ଝାରପୁର ଅଞ୍ଚଳରେ । ବିଞ୍ଝାରପୁର ବିଜେପି ବିଧାୟକ ପ୍ରାର୍ଥୀ ବବିତା ମଲ୍ଲିକ ଆଜି ରୋଡ ଶୋ କରିଥିଲେ । ପ୍ରଚାରକୁ ଆକର୍ଷଣୀୟ କରିବାକୁ ବାଣ ଫୁଟାଇଥିଲେ ବିଜେପି କର୍ମୀ । ବିଞ୍ଝାରପୁର ଥାନା ଛକରେ ବବିତାଙ୍କ ପ୍ରଚାର ପହଞ୍ଚିବା ପରେ ବାଣ ଫୁଟାଇଥିଲେ ବିଜେପି କର୍ମୀ । ବାଣ ଫୁଟାଇଥିବା ବେଳେ ବାଣ ଯାଇ ଏକ କାଠ ଦୋକାନରେ ପଡ଼ିଥିଲା । ଚାହୁଁ ଚାହୁଁ ଦୋକାନଟି ସମ୍ପୂର୍ଣ୍ଣ ଜଳିଉଠିଥିଲା । ଖବର ପାଇ ବିଞ୍ଝାରପୁର ଅଗ୍ନିସମ ବାହିନୀ ପହଁଚି ନିଆଁକୁ ଆୟତ କରିବାକୁ ଚେଷ୍ଟା କରୁଛି ।