ବାରକୋଟ ବ୍ଳକ ବିଡ଼ିଓଙ୍କୁ ତୁରନ୍ତ ବହିଷ୍କାର ସହ ଭିଜିଲାନ୍ସ ତଦନ୍ତ ଦାବି କଲେ ବିଧାୟକ
1 min read
ଦେବଗଡ଼ : ବାରକୋଟ ବ୍ଳକ ବିଡ଼ିଓଙ୍କୁ ତୁରନ୍ତ ବହିଷ୍କାର ସହ ଭିଜିଲାନ୍ସ ତଦନ୍ତ ଦାବି କଲେ ବିଧାୟକ l ବିଡ଼ିଓ ସ୍ମୃତିରଞ୍ଜନ ସାହୁ ଦୁର୍ନୀତିରେ ଲିପ୍ତ ରହୁଥିବା ଅଭିଯୋଗରେ ବାରକୋଟ ବ୍ଲକରୁ ତୁରନ୍ତ ତାଙ୍କୁ ବହିଷ୍କାର ସହ ଭିଜିଲାନ୍ସ ତଦନ୍ତ ଦାବି କରିଛନ୍ତି ବିଧାୟକ ରୋମାଂଞ୍ଚ ରଞ୍ଜନ ବିଶ୍ୱାଳ। ବିଧାୟକଙ୍କ ନେତୃତ୍ୱରେ ଶତାଧିକ ଦଳୀୟ କର୍ମୀ ଓ ଜନ ସାଧାରଣ ବିକ୍ଷୋଭ ଓ ଧାରଣା ପ୍ରଦର୍ଶନ କରିବା ସହ ବିଡ଼ିଓଙ୍କ କୁଶ ପୁତ୍ତଳିକା ଦାହ କରିଥିବା ଦେଖିବାକୁ ମିଳିଛି l ଅଭିଯୋଗ ଅନୁଯାଇ ବାରକୋଟ ବ୍ଳକ ଅନ୍ତର୍ଗତ ବିଭିନ୍ନ ପଞ୍ଚାୟତରେ ଦୀର୍ଘ ବର୍ଷ ହେବ କରାଯାଇଥିବା ଉନ୍ନୟନ କାର୍ଯ୍ୟର ବିଲକୁ ବିନା ଲାଞ୍ଚରେ ବିଡ଼ିଓ ପାସ କରୁନଥିବା ଅଭିଯୋଗ ହୋଇଛି । ଏହାସହ ବ୍ଳକରେ କାର୍ଯ୍ୟରତ ଯନ୍ତ୍ରୀଙ୍କ ଠାରୁ ଅର୍ଥ ବଦଳରେ ସେମାନଙ୍କ ମନମୁତାବକ ସ୍ଥାନ ପରିବର୍ତ୍ତନ କରାଯାଉଛନ୍ତି । ଅନ୍ୟ ଜିଲ୍ଲାର ନିଜ ସମ୍ପର୍କୀୟଙ୍କୁ ବାରକୋଟ ବ୍ଳକରେ ଲକ୍ଷ ଲକ୍ଷ ଟଙ୍କାର ବିଭାଗୀୟ ଉନ୍ନୟନ କାର୍ଯ୍ୟ କରାଇ ଅର୍ଥ ରୋଜଗାର କରୁଥିବା ମଧ୍ୟ ଅଭିଯୋଗ ହୋଇଛି । ନିର୍ବାଚିତ ଜନ ପ୍ରତିନିଧିଙ୍କୁ ଅବମାନନା କରିବା ସହ ମୁଖ୍ୟମନ୍ତ୍ରୀଙ୍କ ପାଖ ଲୋକ କହି ସେ ଅଧିକାରୀ ଓ ଜନ ପ୍ରତିନିଧିଙ୍କୁ ଭୟଭିତ କରୁଥିବା ଅଭିଯୋଗ କରିଛନ୍ତି ବିଧାୟକ ।
