ଦେବଗଡ଼ : କାଳବୈଶାଖୀରେ ତାର ଛିଣ୍ଡି ଗାଁରେ ୪ ଦିନ ହେଲା ଲାଇନ ନାହିଁ। ଏକରେ ଏତେ ଗରମରେ ରହି ହେଉନି। ନା ଘରେ ନା ବାହାରେ ବସି ହେଉଛି। ତା ସାଙ୍ଗକୁ ଲାଇନ ନ ଥିବାରୁ ପାଣି ଅଭାବରୁ ପନିପରିବା ମରିଯିବାକୁ ବସିଲାଣି। ଏହାକୁ ନେଇ ତାତିଲେ ଲୋକେ। ମରାମତି କରିବାକୁ ଆସିଥିବା ବିଦ୍ୟୁତ କର୍ମଚାରୀଙ୍କୁ ଖୁଣ୍ଟରେ ବାନ୍ଧିଲେ ଗ୍ରାମବାସୀ ଓ ସେମାନଙ୍କ ଉପରିସ୍ଥ ଅଧିକାରୀଙ୍କୁ ଡାକିବାକୁ କହିଲେ। ଏହି ଘଟଣା ହେଉଛି ଦେବଗଡ଼ ଜିଲ୍ଲା ତିଲେଇବଣି ବ୍ଲକ ଦୁଧିଆନାଳୀ ଗାଁର। ଖବର ପାଇବା ପରେ ପୋଲିସ ଯାଇ ବିଦ୍ୟୁତ କର୍ମଚାରୀଙ୍କୁ ଉଦ୍ଧାର କରିଛି।
