ଦେବଗଡ଼ରେ ଗଣେଶ ପୂଜା କମିଟି ଓ ସଫେଇ କର୍ମଚାରୀ ମୁହାଁମୁହିଁ

ଦେବଗଡ଼: ଦେବଗଡ଼ରେ ଗଣେଶ ପୂଜା କମିଟି ଓ ସଫେଇ କର୍ମଚାରୀ ମୁହାଁମୁହିଁ । ସଫେଇ କର୍ମଚାରୀଙ୍କ ଆନ୍ଦୋଳନ ଯୋଗୁ ସହରରେ କୁଢକୁଢ ଅଳିଆ ପଡ଼ିଥିବା ବେଳେ ପୂଜା କମିଟି କର୍ମକର୍ତ୍ତା ସଫା କରିବାରୁ ଉତ୍ତେଜନା ଦେଖାଦେଇଛି।

ଅଭିଯୋଗ ଅନୁସାରେ, ପୌର ପରିଷଦ ସଫେଇ କର୍ମଚାରୀମାନେ ପାରମ୍ପରିକ କରମା ପୂଜା ପାଇଁ ପୌରପରିଷଦଠାରୁ ଅଗ୍ରିମ ଦରମା ଦାବି କରୁଛନ୍ତି । ହେଲେ ନିର୍ବାହୀ ଅଧିକାରୀ ନଥିବାରୁ ସେମାନଙ୍କ ଦରମା ହୋଇପାରିନାହିଁ । ଫଳରେ ସଫେଇ କର୍ମଚାରୀମାନେ କାର୍ଯ୍ୟବନ୍ଦ ଆନ୍ଦୋଳନ ଡାକରା ଦେଇଥିଲେ । ସଫେଇ କାର୍ଯ୍ଯ ହୋଇପାରୁନଥିବାରୁ ସହରରେ କୁଢକୁଢ ଅଳିଆ ପଡ଼ିରହିଛି। ଏଣୁ ଗଣେଶ ପୂଜା କମିଟି କର୍ମକର୍ତ୍ତା ନିଜେ ଏବଂ ଶ୍ରମିକଙ୍କ ଦ୍ୱାରା ସଫେଇ କରିବାରୁ ସଫେଇ କର୍ମଚାରୀ ଏହାକୁ ବିରୋଧ କରିଥିଲେ। ପ୍ରାପ୍ଯ ନମିଳିବା ପର୍ଯ୍ଯନ୍ତ ସହରରେ ସଫେଇ କରାଯିବ ନାହିଁ ବୋଲି ଯିଦ ଧରି ବସିଥିଲେ। ପୂଜା କମିଟି କର୍ମକର୍ତ୍ତା ସଫା କରିଥିବା ଅଳିଆକୁ ପୁଣିଥରେ ରାସ୍ତାରେ ପକାଇଥିଲେ। ଯାହାକୁ ନେଇ ପୂଜା କମିଟି ଓ ସଫେଇ କର୍ମଚାରୀ ମୁହାଁମୁହିଁ ହୋଇଛନ୍ତି। ସଫେଇ ନହେବା ଯାଏ ପୂଜା ବନ୍ଦ ରହିବ ବୋଲି କହି ଧାରଣା ବସିଛନ୍ତି ପୂଜା କମିଟି ସଭାପତି। ଘଟଣାସ୍ଥଳରେ ପୋଲିସ ପହଞ୍ଚି ବୁଝାସୁଝା କରୁଛି।