ମୁକେଶ ଅମ୍ବାନୀଙ୍କୁ ଇମେଲ୍ରେ ଆସିଲା ହତ୍ୟା ଧମକ
ମୁମ୍ବାଇ: ଶିଳ୍ପପତି ମୁକେଶ ଅମ୍ବାନୀଙ୍କୁ ହତ୍ୟା ଧମକ । ଇମେଲ୍ ଯୋଗେ କେହି ଜଣେ ଅଜଣା ବ୍ୟକ୍ତି ହତ୍ୟା ଧମକ ଦେଇଥିବା ଜଣାପଡିଛି। ଧମକ ଦେଇଥିବା ବ୍ୟକ୍ତି ମୁକେଶ ଅମ୍ବାନୀଙ୍କୁ ୨୦ କୋଟି ଟଙ୍କା ଦେବାକୁ ଦାବି କରିଛି । ଟଙ୍କା ନଦେଲେ ଜୀବନରୁ ମାରି ଦେବାକୁ ଧମକ ଦେଇଛି ସମ୍ପୃକ୍ତ ବ୍ୟକ୍ତି ।
ଗତକାଲି ଶିଳ୍ପପତି ମୁକେଶ ଅମ୍ବାନୀଙ୍କ କମ୍ପାନୀ ଇମେଲ୍ ଆଇଡିରେ ସମ୍ପୃକ୍ତ ବ୍ୟକ୍ତି ଏହି ଧମକପୂର୍ଣ୍ଣ ଇମେଲ୍ ପଠାଇଛି। ଏହି ଇମେଲ ଆସିବା ପରେ ମୁକେଶ ଅମ୍ବାନୀଙ୍କୁ ସୁରକ୍ଷା ଦାୟିତ୍ବରେ ଥିବା ଅଧିକାରୀ ମୁମ୍ବାଇର ଗାମଦେବୀ ଥାନାରେ ଅଭିଯୋଗ କରିଛନ୍ତି।
ଇମେଲ ପଠାଇଥିବା ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଆଇପିସିର ୧୮୭ ଏବଂ ୩୨୦ ଧାରାରେ ମାମଲା ରୁଜୁ ହୋଇଛି । ଏଫଆଇଆରକୁ ନେଇ ତଦନ୍ତ ଆରମ୍ଭ କରିଛି ମୁମ୍ବାଇ ପୋଲିସ ।
