ଦେଶଦ୍ରୋହ ମାମଲାରେ ପୂର୍ବତନ ପାକିସ୍ତାନ ରାଷ୍ଟ୍ରପତିଙ୍କୁ ମୃତ୍ୟୁଦଣ୍ଡ

ଲାହୋର: ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ୍ ମୁଶାରଫଙ୍କୁ ଫାଶୀ ଦଣ୍ଡାଦେଶ । ପାକିସ୍ତାନ ହାଇକୋର୍ଟର ଚିଫ୍ ଜଷ୍ଟିସଙ୍କ ଅଧ୍ୟକ୍ଷତାରେ ଗଠିତ ୩ ଜଣିଆ ବେଞ୍ଚ ଏହି ସଜ୍ଜା ଶୁଣାଇଛନ୍ତି । ୨୦୦୭ ନଭେମ୍ବର ୩ରେ ଦେଶରେ ଏମରଜେନ୍ସି ଲାଗୁ ନେଇ ପରଭେଜଙ୍କ ନାଁରେ ୨୦୧୩ରେ ଦେଶଦ୍ରୋହ ମାମଲା ହୋଇଥିଲା ।୨୦୧୪ ମାର୍ଚ୍ଚ ୩୧ରେ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ । ସେହି ବର୍ଷ ସେପ୍ଟେମ୍ବରରେ ବିଶେଷ ଅଦାଲତରେ ସମସ୍ତ ସାକ୍ଷ୍ୟ ରଖାଯାଇଥିଲା । କିନ୍ତୁ, ମାମଲା ଡେରି ହେବାରୁ ୨୦୧୬ରେ ଶୀର୍ଷ ଅଦାଲତ ଓ ଗୃହ ମନ୍ତ୍ରାଳୟର ମଞ୍ଜୁରୀ ପରେ ପାକିସ୍ତାନ ଛାଡ଼ି ପଳାଇଥିଲେ । ଏବେ ପରଭେଜ୍ ମୁଶାରଫ ଦୁବାଇରେ ଅଛନ୍ତି ।