କୋଇଲା ଟ୍ରକ ଓ ଚାଉଳ ଟ୍ରକ ମଧ୍ୟରେ ଧକ୍କା, ଡ୍ରାଇଭର ଓ ହେଲ୍ପର ଜୀବନ୍ତ ଦଗ୍ଧ

କଳାହାଣ୍ଡି: ହୁତୁ ହୁତୁ ହୋଇ ଜଳିଗଲା ଦୁଇଟି ଟ୍ରକ୍। ଡ୍ରାଇଭର ଓ ହେଲ୍ପର ଜୀବନ୍ତ ଦଗ୍ଧ । ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି କଳାହାଣ୍ଡି କିଲ୍ଲା ସଦର ଥାନା ଅନ୍ତର୍ଗତ ପାଷ୍ଟିଗୁଡ଼ି ଗାଁ ନିକଟରେ । ଚାଉଳ ବୋଝେଇ ଟ୍ରକକୁ ଧକ୍କା ଦେଲା କୋଇଲା ବୋଝେଇ ଟ୍ରକ । ଦୁର୍ଘଟଣା ଫଳରେ ଟ୍ରକରେ ନିଆଁ ଲାଗିଯାଇଥିଲା । ନିଆଁ ଲାଗିଯିବା ଫଳରେ ଟ୍ରକରେ ଥିବା ଡ୍ରାଇଭର ବାହାରକୁ ଆସିନପାରିବା ଫଳରେ ଜୀବନ୍ତ ଦଗ୍ଧ ହୋଇଯାଇଛନ୍ତି ।

ନିଆଁ ଏତେ ପ୍ରଖର ଥିଲା ଯେ, ସେଠାରୁ ବାହାରକୁ ବାହାରିବା ସମ୍ଭବ ନଥିଲା । ଚାଉଳ ବୋଝେଇ ଟ୍ରକ ସହ କୋଇଲା ବୋଝେଇ ଟ୍ରକ ଧକ୍କା ହେବା ଫଳରେ ୨ଟି  ଗାଡ଼ିରେ ହଠାତ ନିଆଁ ଲାଗିଯାଇଥିଲା। କୋଇଲା ବୋଝେଇ ଟ୍ରକ ଡ୍ରାଇଭର ଓ ହେଲ୍ପର୍ ଜୀବନ୍ତ ଦଗ୍ଧ ହୋଇଥିବା ଜଣାପଡିଛି। ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଂଚି ନିଆକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛି।