ଚାଷୀଙ୍କୁ ଘାରିଛି ଚକଡ଼ା ଚିନ୍ତା ; ମରୁନି ପୋକ୍, ନଷ୍ଟ ହୋଇଗଲାଣି ଧାନ ଫସଲ
1 min read
କେନ୍ଦୁଝର : ନିଦ ହଜାଇ ଦେଲାଣି ଚକଡା ପୋକ । ଚାଷୀଙ୍କୁ ଘାରିଛି ଚକଡା ଦାଉରୁ ଧାନ ଫସଲକୁ ବଞ୍ଚାଇବାର ଚିନ୍ତା । ସାର, କୀଟନାଶକ ପକାଇ ନୟାନ୍ତ ହେଲେଣି ଚାଷୀ । ହେଲେ ଚକଡା ପୋକ ଯିବାର ନାଁ ନେଉନି । ଗୋଟିଏ କ୍ଷେତରୁ ଆଉ ଗୋଟିଏ କ୍ଷେତକୁ ମାଡିଚାଲିଛି ପୋକ। ସମ୍ପୂର୍ଣ୍ଣ ଧାନ ଗଛ ନଷ୍ଟ ହେବାକୁ ବସିଥିବା ବେଳେ, ଧାର କରଜ ସୁଝିବା ଚିନ୍ତାରେ ଅଛନ୍ତି ଚାଷୀକୁଳ ।
କେନ୍ଦୁଝର, ବାଲେଶ୍ବର ଓ ଗଞ୍ଜାମ ପରି ୪ରୁ ୫ଟି ଜିଲ୍ଲାରୁ ଚକଡା ପୋକ ନେଇ ଖବର ଆସିଛି ବୋଲି କହିଛି କୃଷି ବିଭାଗ । କୃଷି ବିଭାଗର ସମ୍ପ୍ରସାରଣ ଟିମ ଘଟଣାସ୍ଥଳକୁ ଯାଇ ଫୋଟୋ ଉଠାଇ ଏହି ଇପେଷ୍ଟ ସର୍ଭେଲାନ୍ସ ପୋର୍ଟାଲରେ ଅପଲୋଡ଼ କରୁଛନ୍ତି । ଏହାପରେ କୃଷି ବିଜ୍ଞାନ କେନ୍ଦ୍ରର ବୈଜ୍ଞାନିକ ପ୍ରତିଦିନ ମନିଟରିଂ କରୁଛନ୍ତି ।
ପୋକକୁ ଦମନ ପାଇଁ ଚାଷୀଙ୍କୁ ଔଷଧ ଦିଆଯାଉଛି । କୀଟନାଶକ କିପରି ନବ୍ୟାପିବ, ସେଥିପାଇଁ ବ୍ୟବସ୍ଥା କରାଯାଉଛି । କୃଷି ଅଧିକାରୀ ଓ CDAOଙ୍କ ସହ ଯୋଗାଯୋଗରେ ଅଛନ୍ତି କୃଷି ନିର୍ଦ୍ଦେଶକ । ଔଷଧ ସିଞ୍ଚନ କରାଯାଉଥିବା ବେଳେ, ସବୁ କିଛି ନିୟନ୍ତ୍ରଣରେ ରହିବ ବୋଲି କହିଛନ୍ତି କୃଷି ନିର୍ଦ୍ଦେଶକ ପ୍ରେମଚନ୍ଦ୍ର ଚୌଧରୀ ।
