କେନାଲରୁ ଉଦ୍ଧାର ହେଲା ଦମ୍ପତିଙ୍କ ମୃତଦେହ

ଢ଼େଙ୍କାନାଳ: କେନାଲରୁ ଦମ୍ପତିଙ୍କ ମୃତଦେହ ଉଦ୍ଧାର। ଢେଙ୍କାନାଳ ଜିଲ୍ଲା ସଦର ଥାନା ପଞ୍ଚୁବଟୀ ଗାଁ ନିକଟସ୍ଥ କେନାଲରୁ ଦୁଇଟି ମୃତଦେହ ଉଦ୍ଧାର କରାଯାଇଛି। ମୃତକ ହେଲେ ପଞ୍ଚୁବଟୀ ଗାଁର ଅବସରପ୍ରାପ୍ତ ହାବିଲଦାର ଦୁଃଶାସନ ସାହୁ ଓ ତାଙ୍କ ପତ୍ନୀ ପଦ୍ମାବତୀ ସାହୁ। ଗତକାଲି ସକାଳୁ ଉଭୟ ନିଖୋଜ ଥିଲେ । ସନ୍ଧ୍ୟା ସମୟରେ ଗାଁ ନିକଟସ୍ଥ କେନାଲରେ ଦୁଃଶାସନ ଭାସୁଥିବାର କିଛି ଲୋକ ଦେଖିଥିଲେ । ପରେ ତାଙ୍କୁ ଉଦ୍ଧାର କରାଯାଇ ପୋଲିସ ସହାୟତାରେ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଜି ସକାଳେ ତାଙ୍କ ପତ୍ନୀ ପଦ୍ମାବତୀଙ୍କ ମୃତଦେହକୁ ଦମକଳ ବାହିନୀ ଉଦ୍ଧାର କରିଛି । ଗତକାଲି ଦୁଃଶାସନଙ୍କ ପୁଅ ସଦର ଥାନାରେ ବାପାମାଆ କେନାଲକୁ ଗାଧୋଇବାକୁ ଯାଇ ଘରକୁ ଫେରି ନଥିବା ଅଭିଯୋଗ କରିଥିଲେ। ଘରୋଇ କଳିକୁ ନେଇ ଦମ୍ପତି ଆମହତ୍ୟା କରିଥିବା ଅନୁମାନ କରାଯାଉଛି। ଘଟଣାର ତଦନ୍ତ କରୁଛି ପୋଲିସ।