ନନ୍ଦିଘୋଷ ବ୍ୟୁରୋ : କଟକ ବିରୂପା ନଦୀରୁ ଉଦ୍ଧାର ହେଲା ଯୁବକଙ୍କ ମୃତଦେହ। ଗତକାଲି ଏକ କାର୍ ନଦୀକୁ ଖସି ପଡ଼ିଥିଲା। ଜଣକୁ ସାଙ୍ଗେ ସାଙ୍ଗେ ଉଦ୍ଧାର କରାଯାଇଥିବା ବେଳେ ଜଣେ ନିଖୋଜ ଥିଲେ। ଆଜି ସକାଳୁ ସର୍ଚ୍ଚ ଅପରେସନ ପରେ ତାଙ୍କର ମୃତଦେହ ନଦୀରୁ ମିଳିଛି। ମୃତକ ହେଲେ ଉଦିତ ସାହୁ। କାର ନଦୀକୁ ଖସି ପଡ଼ିବା ବେଳେ ସେଥିରେ ଥିଲେ ଉଦିତ ଏବଂ ତାଙ୍କ ସାଙ୍ଗ ଅଂଶୁମାନ। ଅଂଶୁମାନଙ୍କୁ ସାଙ୍ଗେ ସାଙ୍ଗେ ଉଦ୍ଧାର କରିଥିଲେ ସ୍ଥାନୀୟ ଲୋକେ। ଆଜି ଉଦିତଙ୍କ ମୃତ ଶରୀରକୁ ଉଦ୍ଧାର କରିଛି ଓଡ଼ରାଫ ଓ ଅଗ୍ନିଶମ ବାହିନୀ । ଜଗତପୁର ପୋଲିସ ବ୍ୟବଚ୍ଛେଦ ପାଇଁ ମୃତଦେହକୁ କଟକ ବଡ଼ମେଡ଼ିକାଲକୁ ପଠାଇଛି।
