ମରିଗଲା ମାନବିକତା, ଗାଡିର ବ୍ୟବସ୍ଥା ଥିଲେ ବି ଟ୍ରଲିରେ ବୁହାଗଲା ମହିଳାଙ୍କ ଶବ
ସୁବର୍ଣ୍ଣପୁର: ମରିଗଲା ମାନବିକତା । ଟ୍ରଲିରେ ବୁହାଗଲା ଶବ । ସୁବର୍ଣ୍ଣପୁର ବିନିକାରେ ଶବକୁ ଅସମ୍ମାନ । ବିନିକା ସ୍ୱାସ୍ଥ୍ୟକେନ୍ଦ୍ରରେ ଆଗରେ ଟ୍ରଲିରେ ଥୁଆ ହୋଇଛି ଶବ । ସୂଚନା ଅନୁଯାୟୀ ଗତକାଲି ରାତିରେ ବିନିକାର ଜଣେ ମହିଳା ନିଆଁରେ ପୋଡି ଗୁରୁତର ହେଇଥିଲେ ।
ଚିକିତ୍ସା ପାଇଁ ବିନିକା ମେଡିକାଲରେ ଭର୍ତ୍ତି କରାଯାଇଥିଲେ ହେଁ, ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଏକ ଟ୍ରଲିରେ ଶବ ବୁହା ହୋଇଥିବା ଅଭିଯୋଗ ହୋଇଛି । ଅନ୍ୟପଟେ ମୃତ ମହିଳାଙ୍କ ସ୍ୱାମୀ ହିଁ ତାଙ୍କୁ ପୋଡି ମାରିଦେଇଥିବା ବିନିକା ଥାନାରେ ଅଭିଯୋଗ ହୋଇଛି ।
ମୃତଦେହ ନେବାକୁ ମହାପ୍ରୟାଣ ଗାଡ଼ିର ବ୍ୟବସ୍ଥା ଥିଲେ ହେଁ, ଏଭଳି ଘଟଣା ଯୋଜନାର କାର୍ଯ୍ୟକାରିତା ଉପରେ ପ୍ରଶ୍ନ ଉଠାଇଛି ।
