ତପ୍ତପାଣି ଘାଟି ବସ୍ ଦୁର୍ଘଟଣାରେ ମିଳିଲା ମୃତକଙ୍କ ପରିଚୟ

ଦିଗପହଣ୍ଡି: ତପ୍ତପାଣି ଘାଟିରେ ବଡ଼ ଧରଣର ବସ୍ ଦୁର୍ଘଟଣାରେ ବଢ଼ିବାରେ ଲାଗିଛି ମୃତ୍ୟୁ ସଂଖ୍ୟା । ମୃତ୍ୟୁ ସଂଖ୍ୟା ୮କୁ ବୃଦ୍ଧି ହୋଇଛି ।   ଏହି ଦୁର୍ଘଟଣାରେ ୮ ଜଣ ଲୋକଙ୍କର ମୃତ୍ୟୁ ହୋଇଥିବା ବେଳେ ୪୦ରୁ ଉର୍ଦ୍ଧ୍ୱ ଯାତ୍ରୀ ଆହତ ହୋଇଛନ୍ତି ।

ଏବେ ବି ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି । ଧିରେ ଧିରେ ମୃତ୍ୟୁ ସଂଖ୍ୟା ବଢୁଥିବା ଜଣାପଡ଼ିଛି । ଏବେ ବି ବସ୍ ତଳେ ଆହୁରି ଯାତ୍ରୀ ଚାପି ହୋଇଥିବା ସୂଚନା ମିଳିଛି ।

୮ଜଣ ମୃତକଙ୍କ ପରିଚୟ ଆମର ହସ୍ତଗତ ହୋଇଛି । ମୃତକ ମାନେ ହେଉଛନ୍ତି

୧- ପୁଟା ବରଗଡ଼ ରେଙ୍ଗାଲି ଛକର ଝୁନୁ ବେହେରା,

୨- ରାୟଗଡ଼ା ଜିଲ୍ଲାର ବିଦ୍ୟୁତ ନାୟକ,

୩- ବ୍ରହ୍ମପୁରର ସୁନୀଲ ନାୟକ,

୪- ଗଞ୍ଜାମ ଜିଲ୍ଲା କରପଦାର ସୁଭାସିନୀ ମହାରଣା,

୫- ରାୟଗଡ଼ା ଜିଲ୍ଲାର ଝିଅ ଅନ୍ୱେଷା ମହାପାତ୍ର ଏବଂ ୬- ତାଙ୍କ ମାଆ ସଙ୍ଘମିତ୍ରା ମହାପାତ୍ରଙ୍କର ମୃତ୍ୟୁ ହୋଇଛି ସେପଟେ

୭- ପୁରୁଷୋତ୍ତମପୁର କୋଷଳାପଲ୍ଲୀର ରମେଶ ବେହେରା 

୮- କୋଦଳାର କରିସ୍ମା ନାୟକଙ୍କ ପରିଚୟ ମିଳିପାରିଛି ।