ଉଜୁଡ଼ିଗଲା ମା’ର କୋଳ, କୂଅରୁ ମିଳିଲା ନିଖୋଜ ଶିଶୁର ମୃତଦେହ

ଢେଙ୍କାନାଳ: ମିଳିଲା ନିଖୋଜ ଶିଶୁର ମୃତଦେହ । ଢେଙ୍କାନାଳ ନିହଲପ୍ରସାଦ ଥାନା ଖଙ୍କିରା ଗାଁର ନିଖୋଜ ଶିଶୁ ପୁତ୍ରର ମୃତଦେହ ଉଦ୍ଧାର କରାଯାଇଛି । ଦମକଳବାହିନୀ କୂଅରୁ ମୃତଦେହ ଉଦ୍ଧାର କରିଛି । ଗତକାଲି ସଂଧ୍ୟାରେ ଶିଶୁଟି ନିଖୋଜ ହୋଇଯାଇଥିଲା । ଅନେକ ଖୋଜାଖୋଜି ପରେ ମଧ୍ୟ ନମିଳିବାରୁ ଏନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ପରେ ରାତିରେ ଶିଶୁପୁତ୍ରର ମୃତଦେହ କୂଅରେ ଭାସୁଥିବାର ଦେଖିବାକୁ ମିଳିଥିଲା । ତେବେ ପୁଅକୁ ହତ୍ୟା କରାଯାଇ କୂଅରେ ପକାଯାଇଥିବା ଅଭିଯୋଗ କରିବା ସହ ମୁଣ୍ଡରେ କ୍ଷତ ଚିହ୍ନ ଥିବା ପରିବାର ଲୋକେ କହିଛନ୍ତି । ଘଟଣାସ୍ଥଳରେ ନିହାଲ ପ୍ରସାଦ ପୋଲିସ ପହଞ୍ଚି ତଦନ୍ତ କରିଛି ।