ଇବ୍ ନଦୀରୁ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର ଘଟଣା, ୬ ଅଭିଯୁକ୍ତ ଗିରଫ
ସୁନ୍ଦରଗଡ଼: ସୁନ୍ଦରଗଡ଼ ସହରର ଭୋଗରାବାହାଲ ନିକଟରେ ଜଣେ ଯୁବକଙ୍କୁ ହତ୍ୟା କରି ଇବ ନଦୀରେ ମୃତଦେହ ପକାଇବା ଘଟଣାରେ ସଦର ଥାନା ପୋଲିସ ୬ ଜଣ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ନିକଟରୁ ହତ୍ୟାରେ ବ୍ୟବହୃତ ଟାଙ୍ଗିଆ ଓ ଵ୍ଲେଡ ଜବତ କରାଯାଇଛି । ଗତ ୩ ତାରିଖ ଦିନ ଇବ ନଦୀରୁ ଜଣେ ଯୁବକଙ୍କ ହାତ, ଗୋଡ଼ ଓ ବେକ କଟା ହୋଇଥିବା ଅବସ୍ଥାରେ ମୃତଦେହ ଉଦ୍ଧାର କରାଯାଇଥିଲା ।
ସାମାନ୍ୟ ବଚସାକୁ କେନ୍ଦ୍ର କରି ଅଭିଯୁକ୍ତମାନେ କଟକଡେଗା ଗ୍ରାମର ଦୁର୍ଗା ମାଝିଙ୍କୁ ତଣ୍ଟିଚିପି ହତ୍ୟା କରିଥିଲେ । ପରେ ମୃତଦେହକୁ ଖଣ୍ଡ ଖଣ୍ଡ କରି ନଦୀରେ ଭସାଇ ଦେଇଥିବା ପୋଲିସ ତଦନ୍ତରୁ ଜଣାପଡିଛି । ସୁନ୍ଦରଗଡ଼ ସଦର ଥାନା ପୋଲିସ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିବା ସହ ହତ୍ୟା ଘଟଣାରେ ସମ୍ପୃକ୍ତ ୬ ଜଣଙ୍କୁ ଗିରଫ କରିଛି । ସୁନ୍ଦରଗଡ଼ ଏସପି ସାଗରିକା ନାଥ ସାମ୍ବାଦିକ ସମ୍ମିଳନୀରେ ଏନେଇ ସୁଚନା ଦେଇଛନ୍ତି
