କେନାଲରେ ବାଇକ୍ ସହ ଭାସୁଛି ମୃତଦେହ
ଗଞ୍ଜାମ: ଗଞ୍ଜାମ ଜିଲ୍ଲା ସାନଖେମୁଣ୍ଡି ପାଟପୁର ଥାନା ନିସ୍ତିପୁର ଗ୍ରାମ ନିକଟ କେନାଲରେ ଜଣେ ଯୁବକଙ୍କ ମୃତଦେହ ସହ ଏକ ବାଇକ୍ ଭାସୁଥିବା ଦେଖାଯାଇଛି । ଖବର ପାଇ ପାଟପୁର ପୋଲିସ ଓ ସାନଖେମୁଣ୍ଡି ଅଗ୍ନିଶମ ବାହନୀ ଘଟଣାସ୍ଥଳରେ ପହଂଚି ମୃତଦେହକୁ ଉଦ୍ଧାର କରିଛନ୍ତି ।
ପ୍ରଥମେ ସ୍ଥାନୀୟ ଲୋକଙ୍କ ନଜରରେ ଏହା ପଡ଼ିଥିଲା । ପରେ ସେମାନେ ପୋଲିସ ଓ ସାନଖେମୁଣ୍ଡି ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ବାଇକ ସହ ଭାସୁଥିବା ଯୁବକଙ୍କ ପରିଚୟ ମିଳିନାହିଁ ।
ସମସ୍ତେ ଆଲୋକ ପର୍ବ ଦୀପାବଳିରେ ବ୍ୟସ୍ତ ଥିବା ବେଳେ କେଉଁ ପରିସ୍ଥିତିରେ ଯୁବକର ବାଇକ୍ ସହ ଶବ ଭାସିଲା ତାହା ଏବେ ସନ୍ଦେହ ଘେରରେ । ଏହା ଯୋଜନା ବଦ୍ଧ ହତ୍ୟାକାଣ୍ଡ ନା ଆଉ କିଛି ? ତେବେ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ଯୁବକର ପରିଚୟ ମିଳିବା ପରେ ଏବଂ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ । ଅନ୍ୟପଟେ କେନାଲରେ ବିଶେଷ ପାଣି ନବାରୁ ବୁଡ଼ିକି ଜଣେ ବ୍ୟକ୍ତି ମରିବା ଅସମ୍ଭବ ବୋଲି ସ୍ଥାନୀୟ ଲୋକେ କହିଛନ୍ତି ।
