ବନ୍ଦ ଘରେ ଦମ୍ପତିଙ୍କ ମୃତଦେହ,କାହିଁକି ନେଲେ ଚରମ ନିଷ୍ପତ୍ତି ?

କୋରାପୁଟ: ବନ୍ଦ ଘରେ ଦମ୍ପତିଙ୍କ ମୃତଦେହ। ଖଟ ଉପରେ ସ୍ତ୍ରୀଙ୍କ ମୃତଦେହ ପଡିଥିବାବେଳେ ଝୁଲୁନ୍ତା ଅବସ୍ଥାରେ ସ୍ବାମୀଙ୍କ ମୃତଦେହ ଉଦ୍ଧାର ହୋଇଛି । ଏଭଳି ଚାଞ୍ଚଲ୍ଯକରଣ ଘଟଣା ଘଟିଛି କୋରାପୁଟ ସଦର ଥାନା ମାଲିଙ୍ଗଯୋଡ଼ି ଗାଁରେ । ମୃତକ ହେଲେ ସ୍ବାମୀ ନରେଶ ନାୟକ ଓ ସ୍ତ୍ରୀ ଭବାନୀ ନାୟକ ।

ସୂଚନା ଅନୁଯାୟୀ, ଗତବର୍ଷ ଜୁଲାଇରେ ଉଭୟଙ୍କର ବିବାହ ହୋଇଥିଲା। ତେବେ ଗତକାଲି ରାତିରେ ବନ୍ଦ ଘରେ ଦମ୍ପତିଙ୍କ ମୃତଦେହ ଦେଖି ପରିବାର ଲୋକ ପୋଲିସକୁ ଖବର ଦେଇଥିଲେ । କୋରାପୁଟ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛି । ତେବେ କାହିଁକି ନବଦମ୍ପକି ଏଭଳି ଚରମ ନିଷ୍ପତ୍ତି ନେଲେ ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ପରିବାର ଲୋକଙ୍କୁ ପଚରାଉଚରା କରି ପୋଲିସ ତଦନ୍ତ କରୁଥିବାବେଳେ ବ୍ଯବଚ୍ଛେଦ ରିପୋର୍ଟ ଆସିବା ପରେ ମୃତ୍ଯୁ କାରଣ ଜଣାପଡ଼ିବ ବୋଲି ପୋଲିସ କହିଛି ।