ଆତଙ୍କବାଦୀଙ୍କୁ କାଶ୍ମୀର ପଣ୍ଡିତଙ୍କ ଝିଅର ଆହ୍ୱାନ, ‘ସାହାସ ଅଛି ତ ସାମ୍ନାକୁ ଆସ’

ଶ୍ରୀନଗର: ଜମ୍ମୁ କାଶ୍ମୀରରେ ଆତଙ୍କବାଦୀ ପୁଣି କଶ୍ମୀର ପଣ୍ଡିତଙ୍କୁ ଟାର୍ଗେଟ୍ କରିବା ଆରମ୍ଭ କରିଛନ୍ତି । ମଙ୍ଗଳବାର ଶ୍ରୀନଗରର ଇକବାଲ ପାର୍କ ଅଞ୍ଚଳରେ ପ୍ରତିଷ୍ଠିତ କେମିଷ୍ଟ ମଖନଲାଲ ବିନ୍ଦରୁଙ୍କୁ ଆତଙ୍କବାଦୀ ହତ୍ୟା କରିଥିଲେ । ମେଡିସିନ୍ ଷ୍ଟୋର ଭିତରେ ପଶି ତାଙ୍କୁ ଗୁଳି କରିଥିଲେ ଆତଙ୍କବାଦୀ । ବୁଧବାର ତାଙ୍କ ଝିଅ ଶ୍ରଦ୍ଧା ବିନ୍ଦରୁ ଆତଙ୍କବାଦୀଙ୍କୁ ଆହ୍ୱାନ ଦେଇଛନ୍ତି ।

ଶ୍ରଦ୍ଧା କହିଛନ୍ତି, ମୁଁ କଶ୍ମୀର ପଣ୍ଡିତଙ୍କ ଝିଅ । ଆତଙ୍କବାଦୀଙ୍କ ଯଦି ସାହାସ ଅଛି ତେବେ ତାଙ୍କ ସାମ୍ନାକୁ ଆସି ବିତର୍କ କରନ୍ତୁ । ୬୮ ବର୍ଷ ବୟସରେ ଆତଙ୍କବାଦୀ ଯାହାକୁ ହତ୍ୟା କରିଛନ୍ତି ସେ ୧୯୯୦ ମସିହାରେ କାଶ୍ମୀର ଛାଡ଼ି ଯାଇନଥିଲେ ।

#WATCH He was an awesome person who served Kashmir&Kashmiriyat. His body is gone but his spirit is still alive. Person responsible for the crime has opened doors of hell for himself:Shraddha Bindroo, daughter of pharmacist ML Bindroo who was killed by terrorists in Srinagar y'day pic.twitter.com/FEjNcDpVr2

— ANI (@ANI) October 6, 2021

ମୋ ପିତା ବହୁତ କର୍ମଠ ଥିଲେ । ଆରମ୍ଭରୁ କାମକୁ ସେ ସାଇକେଲରେ ଯାଉଥିଲେ । ସେ ମୋତେ ଓ ମୋ ଭାଇକୁ ପାଠ ପଢ଼ାଇଛନ୍ତି । ମୋ ଭାଇ ଏହି ଅଞ୍ଚଳର ପ୍ରତିଷ୍ଠିତ ମଧୁମେହ ଡାକ୍ତର । ମୁଁ ସହକାରୀ ଅଧ୍ୟାପିକା ଅଟେ । ମୋ ମାଆ ମହିଳା ହୋଇଥିଲେ ମଧ୍ୟ ମେଡିକାଲରେ କାର୍ଯ୍ୟରତ । ଏଥିରୁ ବୁଝି ପାରୁଥିବେ ମୋ ବାପାଙ୍କ ଧୈର୍ଯ୍ୟ ଶକ୍ତି କେତେ ?

ଆତଙ୍କବାଦୀ ମୋ ବାପାଙ୍କ ଶରୀରକୁ ମାରି ପାରନ୍ତି । କିନ୍ତୁ ତାଙ୍କ ଆତ୍ମା ସବୁବେଳେ ଅମର ରହିବ । ଯିଏ ବି ମୋ ବାପାଙ୍କୁ ଗୁଳି ମାରିଛି ତାକୁ ଚ୍ୟାଲେଞ୍ଜ ଦେଉଛି । ସେ ସାମ୍ନାକୁ ଆସି ମୋ ସହ ତର୍କ କରୁ । କରିପାରିବ ନାହିଁ, କାରଣ ଆତଙ୍କବାଦୀ ସବୁବେଳେ ପଛ ପାଖରୁ ଗୁଳି କରିପାରନ୍ତି । ମୁଁ ମୋ ବାପାଙ୍କ ଝିଅ, ସାହାସ ଅଛି ତ ଆଗକୁ ଆସି ଆଲୋଚନା କର ।