ପୁଣି ବଧୂ ହତ୍ୟା ଅଭିଯୋଗ: ବାଲେଶ୍ଵର ଜଳେଶ୍ଵରରେ ଘଟିଛି ଏହି ଘଟଣା

ପୁଣି ବଧୂ ହତ୍ୟା ଅଭିଯୋଗ । ବାଲେଶ୍ଵର ଜଳେଶ୍ଵରରେ ଘଟିଛି ଏହି ଘଟଣା । ମୃତକ ହେଲେ ମୋନାଲିସା ଦାସ । ମୋନାଲିସା ବରିଷ୍ଠ ଆଇନଜୀବୀ ତଥା କଂଗ୍ରେସ ନେତା ସତ୍ୟସୁନ୍ଦର ଦାସଙ୍କ ବୋହୂ । ମୋନାଲିସାଙ୍କୁ ସତ୍ୟଦାସଙ୍କ ବଡ ପୁଅ ସବ୍ୟସାଚୀ ଦାସ ବିବାହ କରିଥିଲେ । ଶାଶୂଘର ଲୋକଙ୍କ ବିରୋଧରେ ହତ୍ୟା ଅଭିଯୋଗ ଆଣିଲେ ବାପଘର ଲୋକେ। ଗତକାଲି ଜଳେଶ୍ଵର ପୁରୁଣା କୋର୍ଟ ବଜାରସ୍ଥିତ ଘରେ ମୋନାଲିସାଙ୍କୁ ଝୁଲନ୍ତା ଅବସ୍ଥାରେ ଦେଖିଥିଲେ ଶାଶୁ ଘର ଲୋକ । ସଙ୍ଗେସଙ୍ଗେ ତାଙ୍କୁ ଜଳେଶ୍ୱର ହସ୍ପିଟାଲକୁ ନେଇଥିଲେ। ହସ୍ପିଟାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୂର୍ବରୁ ମୋନାଲିସାଙ୍କୁ ଯୌତୁକ, ଶାରୀରିକ ଓ ମାନସିକ ନିର୍ଯାତନା ଦିଆଯାଇଥିବା ଅଭିଯୋଗ କରିଛନ୍ତି ବାପଘର ଲୋକେ । ଅଭିଯୋଗ ପରେ ଜଳେଶ୍ୱର ପୋଲିସ ତଦନ୍ତ ଜାରି ରଖିଥିବା ବେଳେ ପରିବାରର ସମସ୍ତେ ଫେରାର ଅଛନ୍ତି। ଜଳେଶ୍ଵର ପୋଲିସ ଓ ଫରେନସିକ ଟିମର ୩ ଜଣିଆ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି । ବର୍ତ୍ତମାନ ସୁଦ୍ଧା କୌଣସି ଅଭିଯୁକ୍ତଙ୍କୁ ପୋଲିସ ଗିରଫ କରିନାହିଁ।