ଲାଲୁ ଯାଦବଙ୍କୁ କିଡ଼ନୀ ଦାନ କରିବେ ଝିଅ, ସିଙ୍ଗାପୁରରେ ପ୍ରତ୍ୟାରୋପଣ

ପାଟନା: ଦୀର୍ଘଦିନରୁ କିଡନୀ ରୋଗରେ ପୀଡିତ ଥିବା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ହେବ ଅସ୍ତ୍ରୋପଚାର  । ଖୁବଶୀଘ୍ର କିଡନୀ ଟ୍ରାନ୍ସପ୍ଲାଣ୍ଟ ପାଇଁ ସିଙ୍ଗାପୁର ଯିବେ ଲାଲୁ  । ସେଠାରେ ରହୁଥିବା ଝିଅ ରୋହିଣୀ ଲାଲୁଙ୍କୁ କିଡନୀ ଦାନ କରିବେ  । ବହୁଦିନରୁ ଚିକିତ୍ସିତ ହେଉଥିବା ଲାଲୁଙ୍କୁ କିଡନୀ ପ୍ରତ୍ୟାରୋପଣ ପାଇଁ ଡାକ୍ତର ପରାମର୍ଶ ଦେଇଥିଲେ  । ଯାହାପରେ ଝିଅ ରୋହିଣି ବାପାଙ୍କୁ କିଡନୀ ଦାନ କରିବାକୁ ନିଷ୍ପତ୍ତି ନେଇଛନ୍ତି  ।

ପରିବାରର ଚାପ ପରେ ଝିଅ ଠୁ କିଡନୀ ନେଇ ପ୍ରତ୍ୟାରୋପଣ ପାଇଁ ରାଜି ହୋଇଛନ୍ତି ଲାଲୁ  । ଆସନ୍ତା ନଭେମ୍ବର ୨୦ରୁ ୨୪ ମଧ୍ୟରେ ସିଙ୍ଗାପୁର ଯାଇ ପାରନ୍ତି ଲାଲୁ  । ତାଙ୍କ ଦ୍ବିତୀୟ ଝିଅ ରୋହିଣୀ ସିଙ୍ଗାପୁରରେ ରୁହନ୍ତି । ଲାଲୁଙ୍କ ଚିକିତ୍ସାରେ ଝିଅ ରୋହିଣୀ ମୁଖ୍ୟ ଭୂମିକା ନେଇଛନ୍ତି   । ଗତ କିଛି ବର୍ଷରୁ ଦିଲ୍ଲୀ ଏମ୍ସରେ କିଡନୀ ସମସ୍ୟା ନେଇ ଲାଲୁ ଚିକିତ୍ସିତ ହେଉଛନ୍ତି  । ହେଲେ ସିଙ୍ଗାପୁର ଗସ୍ତ ସମୟରେ ସେଠାକାର ଡାକ୍ତର ତାଙ୍କୁ କିଡନୀ ପ୍ରତ୍ୟାରୋପଣର ପରାମର୍ଶ ଦେଇଛନ୍ତି  ।

ସିଙ୍ଗାପୁରରେ ରହୁଥିବା ଦ୍ବିତୀୟ ଝିଅ ରୋହିଣୀ ବିହାର ରାଜନୀତିରେ ପରୋକ୍ଷ ଭାବେ ସକ୍ରିୟ ରହିଥାନ୍ତି  । ରାଜନୈତିକ ବିଚାରଧାରା ସହ ବିରୋଧୀଙ୍କୁ ଟାର୍ଗେଟ କରିବା ପାଇଁ ଭୁଲନ୍ତି ନାହିଁ ରୋହିଣୀ  ।