ଦରଭଙ୍ଗା: ମଦୁଆଙ୍କୁ ମଦ ଯୋଗାଇବାକୁ ଚୋରା ଚାଲାଣକାରୀଙ୍କ ନୂଆ ପ୍ରୟାସ । ବିଭିନ୍ନ ମାଧ୍ୟମରେ ଚୋରା ଚାଲାଣ କରିବାକୁ ଅଣ୍ଟା ଭିଡ଼ିଛନ୍ତି ଏମାନେ । ବିହାରରେ ମଦର ସମ୍ପୂର୍ଣ୍ଣ ନିଷେଧାଦେଶ ପରଠାରୁ ଚୋରା ଚାଲାଣକାରୀମାନେ କେତେବେଳେ ପୋଖରୀରେ ତ କେତେବେଳେ ଶୂନସାନ ସ୍ଥାନରେ ମଦକୁ ଲୁଚାଇ ରଖୁଛନ୍ତି । କିନ୍ତୁ ଲକଡାଉନ୍ ଥିବା ବେଳେ ସରକାରୀ ବିଦ୍ୟାଳୟଗୁଡ଼ିକ ଏବେ ବେଆଇନ ମଦ ବ୍ୟବସାୟୀଙ୍କ ଗୋଦାମ ଘରରେ ପରିଣତ ହୋଇଛି। ବିହାରର ଦରଭଙ୍ଗାରୁ ଏଭଳି ଏକ ଘଟଣା ସାମ୍ନାକୁ ଆସିଛି ।
ଦାରଭଙ୍ଗା ଜିଲ୍ଲାର ୟୁନିଭରସିଟି ଥାନା ଅଞ୍ଚଳର ଆଜାମନଗର ପରିସରରେ ପ୍ଲସ୍ ୨ ମୁକୁନ୍ଦି ଚୌଧୁରୀ ବିଦ୍ୟାଳୟ ପରିସରରେ ବନ୍ଦ ପଡ଼ିଥିବା କୋଠରୀରେ ମଦ ଲୁଚାଇ ରଖାଯାଇଛି । ବରିଷ୍ଠ ପୋଲିସ ଅଧିକାରୀ ଏସଏସପି ବାବୁ ରାମଙ୍କୁ ଏକ ସୂଚନା ମିଳିଥିଲା ଯେ, ସରକାରୀ ବିଦ୍ୟାଳୟରେ ମଦ କାରବାର ହେଉଛି ଯେଉଁଠାରୁ ଚୋରାଚାଲାଣକାରୀମାନେ ମଦ ବିକ୍ରି କରୁଛନ୍ତି । ଏହା ପରେ ସିଆଇଟି ଟିମ୍ ବିଦ୍ୟାଳୟକୁ ପଠାଯାଇଥିଲା ଯେଉଁଠାରୁ ୭୦ ବୋତଲ ବିଦେଶୀ ମଦ ଜବତ କରାଯାଇଥିଲା ।
ତନାଘନା କରିବାକୁ ଆସିଥିବା ଅଧିକାରୀ କହିଛନ୍ତି
ସିଆଇଟି ଅଧିକାରୀ ଶିବ ପୂଜନ ପାସୱାନ କହିଛନ୍ତି ଯେ ବରିଷ୍ଠ ଅଧିକାରୀଙ୍କ ନିର୍ଦ୍ଦେଶରେ ୭୦ ଟି ବୋତଲ ମଦ ଜବତ କରାଯାଇଛି ଏବଂ ସ୍ଥାନୀୟ ପୋଲିସ ଷ୍ଟେସନ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରିବ।
ପ୍ରିନ୍ସିପାଲ କହିଲେ…
ବିଦ୍ୟାଳୟରୁ ମଦ ମିଳିବା ପରେ ପ୍ରଧାନଶିକ୍ଷକ ମଣିଶଙ୍କର ପ୍ରସାଦ କହିଛନ୍ତି ଯେ କରୋନା କାରଣରୁ ଲକଡାଉନ ପାଇଁ ସ୍କୁଲ ବନ୍ଦ ରହିଛି ଏବଂ ଏହି ବିଦ୍ୟାଳୟର କୋଠା ମଧ୍ୟ ଭଲ ଅବସ୍ଥାରେ ନାହିଁ । ଏଠାକୁ କେହି ଯିବା ଆସିବା ମଧ୍ୟ କରନ୍ତି ନାହିଁ, ଯାହାର ଫାଇଦା ଅସାମାଜିକ ବ୍ୟକ୍ତିମାନେ ଉଠାଇଛନ୍ତି ଏବଂ ବିଦ୍ୟାଳୟରେ ମଦ ଆଣି ରଖିଛନ୍ତି ।
