ଦଳରୁ ନିଲମ୍ବିତ ହେଲେ ସାଂସଦ ଦାନିଶ ଅଲ୍ଲୀ

ନୂଆଦିଲ୍ଲୀ: ଲୋକସଭା ସାଂସଦ ଦାନିଶ ଅଲୀଙ୍କୁ ଶୁକ୍ରବାର ଦଳରୁ ନିଲମ୍ବନ କରିଛି ବହୁଜନ ସମାଜ ପାର୍ଟି । ଦଳ ବିରୋଧୀ କାର୍ଯ୍ୟ ପାଇଁ ତାଙ୍କୁ ବିଏସ୍‌ପି ନିଲମ୍ବନ କରିଛି । ଦଳ ପକ୍ଷରୁ ଦାନିଶ ଅଲୀଙ୍କୁ ପଠାଯାଇଥିବା ଚିଠିରେ ଉଲ୍ଲେଖ କରାଯାଇଛି, ଯେ ଅନେକ ଥର ମୌଖିକ ଭାବେ କୁହାଯାଇଥିଲା ଯେ ଦଳର ନୀତି, ବିଚାରଧାରା ଓ ଅନୁଶାସନ ବିରୋଧରେ ଯାଇ କୌଣସି ବୟାନ ଦିଅନ୍ତୁ ନାହିଁ କି କୌଣସି କାମ କରନ୍ତୁ ନାହିଁ । ଏହା ସତ୍ତ୍ୱେ ଆପଣ ଲଗାତାର ଦଳ ବିରୋଧରେ ଯାଇ ସେହି ସବୁ କାମ କରୁଛନ୍ତି । ଅମରୋହାରୁ ବିଜୟୀ ହେବା ସତ୍ତ୍ୱେ ଆପଣ ସମସ୍ତ ପ୍ରତିଶ୍ରୁତି ଭୁଲି ଗଲେ ଓ ଦଳ ବିରୋଧୀ କାର୍ଯ୍ୟରେ ଲିପ୍ତ ରହିଲେ । ତେଣୁ ଦଳ ଆପଣଙ୍କୁ ତୁରନ୍ତ ପ୍ରଭାବ ସହିତ ନିଲମ୍ବନ କରିବାକୁ ନିଷ୍ପତ୍ତି ନେଇଛି । ନିକଟରେ ବିଜେପି ସାଂସଦ ରମେଶ ଭିଦୁଡି ଦାନୀଶ ଅଲ୍ଲିଙ୍କୁ ଲୋକସଭାରେ ଅଶାଳୀନ ଭାଷା କହି ଗାଳି ଗୁଲଜ କରିଥିଲେ  । ଯାହାକୁ ନ୍ୟାୟ ଦାବିରେ ସଂସଦରେ ପ୍ଲାକାର୍ଡ ଧରି ବସୁଛନ୍ତି ଦାନୀଶ ଅଲ୍ଲୀ ।