ଭେଣ୍ଡା ପୁଅକୁ ମାରି ଶୋଇବା ଘରେ ପୋତିଦେଲେ ମା ଓ ଭାଇ

ବାଲେଶ୍ବର: ବାହାନଗାରେ ବିଭତ୍ସ ହତ୍ୟାକାଣ୍ଡ । ପୁଅକୁ ମାରି ଶୋଇବା ଘରେ ପୋତିଦେଲେ ମା ଓ ବଡ଼ ପୁଅ। ଜନ୍ମଦାତ୍ରୀ ମା ଓ ରକ୍ତର ଭାଇ ଘଟାଇଛନ୍ତି ଏପରି ନାରକୀୟ କାଣ୍ଡ । ସେପଟେ ଏହି ଘଟଣା ବିଷୟରେ ଜାଣିବା ପରେ ସୋର ଥାନା ପୋଲିସ ଉଭୟଙ୍କୁ ଗିରଫ କରିଛି ।

ସୂଚନା ମୁତାବକ, ଗତ ୧୨ ତାରିଖ ରାତିରେ ବଳରାମ ଜେନା ମଦ ପିଇ ଘରକୁ ଆସିବା ପରେ ବଡ଼ ଭାଇ ଜଗବନ୍ଧୁଙ୍କ ସହ ଝଗଡ଼ା ହୋଇଥିଲା। ଏଥିରେ ଉତକ୍ଷିପ୍ତ ହୋଇ ମା ଶୁକୁରୀ ଏବଂ ଜଗବନ୍ଧୁ ଶାବଳରେ ବଳରାମକୁ ଆକ୍ରମଣ କରିଥିଲେ। ଫଳରେ ବଳରାମ ଘଟଣାସ୍ଥଳରେ ପ୍ରାଣ ହରାଇଥିଲେ।

ସେପଟେ ମୃତ୍ୟୁ ବିଷୟରେ କାଳେ କେହି ଜାଣିନେବେ କିମ୍ବା ପୋଲିସ ହାତରେ ଧରାପଡିବା ଭୟରେ ବଳରାମଙ୍କ ମୃତଦେହକୁ ଶୋଇବା ଘରେ ଗାତ ଖୋଳି ଲୁଣ ଦେଇ ପୋତି ଦେଇଥିଲେ ମା-ଭାଇ। ତେବେ ପିଣ୍ଡଦାନ କରି ଘରକୁ ଫେରିବା ପରେ ଘଟଣା ପଦାକୁ ଆସିଥିଲା । ସୋର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ମାଆ ଏବଂ ବଡ଼ପୁଅକୁ ଗିରଫ କରିଛି।