କନ୍ଧମାଳରେ ଆରମ୍ଭ ହୋଇଛି ଦଣ୍ଡ ଉପାସନା 

କନ୍ଧମାଳ: ଜିଲ୍ଲାରେ ଆରମ୍ଭ ହୋଇଛି ଦଣ୍ଡ ଉପାସନା  । ଦଣ୍ଡ ଉପାସନା କରି ଭକ୍ତ ମାନେ ମାଆଙ୍କ ଆଶିଷ ଲାଭ କରନ୍ତି  । କାହିଁ କେଉଁ କାଳରୁ ଏହି ପରମ୍ପରା ଆଦିବାସୀ ମାନେ ପାଳି ଆସୁଛନ୍ତି ଏହି ଉପାସନା କରିବାକୁ ହେଲେ ଦଣ୍ଡରେ ଥିବା ଗୁହାରିଆ ମାନେ 14 ଦିନ କାଳ ବାହାରେ ବୁଲି ଦିନକୁ ଗୋଟଏ ବେଳେ ପଣା ପାଣି ପିଇ ଏହି ଉପାସନା କରନ୍ତି । ଏହି 14 ଦିନ ରେ ବାହରେ ବୁଲି ଧୂଳି ଦଣ୍ଡ କରନ୍ତି  । ଗୁମାଗଡ଼ର ବହୁ ପୁରାତନ ଦଣ୍ଡ ହେଲା ଅଗ୍ନି ଦଣ୍ଡ । ଏହି ଦଣ୍ଡରେ ମାଙ୍କ ଆଦେଶରେ 120 ଗୁହାରିଆ ପ୍ରତେକ ଦିନ ଧୂଳି ଦଣ୍ଡ ବେଳେ ନିଆଁ ରେ ଚାଲନ୍ତି ।

ବିଶ୍ୱାସ ରହିଛି ମାଆଙ୍କ ସ୍ୱପ୍ନ ହେବାପରେ ଦଣ୍ଡରେ ଥିବା ସବୁ ଗୁହାରୀଆ ନିଆଁରେ ଚାଲିବା ବାଧ୍ୟତାମୂଳକ । ମାର୍ଚ୍ଚ ୨୮ରୁ ବାହାରି ଏପ୍ରିଲ ୧୪ ତାରିଖ ପଣା ସଂକ୍ରାନ୍ତି ଯାଏ ଏହି ଯାତ୍ରା ଚାଲିବ । ମାନସିକ ରଖିଲେ ମା ପୂରଣ କରନ୍ତି ବୋଲି ଭକ୍ତଙ୍କ ବିଶ୍ବାସ ରହିଛି  । ତେଣୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଏହିଠାରେ ପହଁଚିଥାନ୍ତି  । ଆବାହନ କାଳରୁ ରହିଆସିଥିବା ଏହି ପରମ୍ପରାକୁ ନିଷ୍ଠାର ସହ ପାଳନ କରିଆସନ୍ତି ଦଣ୍ଡ ଉପାସକ  ।