ବସ୍ତର: ମାଓ କ୍ୟାମ୍ପରେ ମାଓବାଦୀମାନଙ୍କ ନାଚଗୀତର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ। ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବସ୍ତର ଜିଲ୍ଲାର ଏକ ଅଜ୍ଞାତ ସ୍ଥାନରେ ମାଓ କ୍ୟାମ୍ପରେ ମାଓବାଦୀମାନେ ନାଚୁଥିବାର ଭିଡିଓ ଭାଇରାଲ ହେବାରେ ଲାଗିଛି।
ଏହି ଭିଡିଓରେ ଅନେକ ମାଓବାଦୀ ମାଓ ୟୁନିଫର୍ମ ସହ ବନ୍ଧୁକ ଧରି ପରସ୍ପରର ହାତ ଧରି ଗୀତର ତାଳେ ତାଳେ ନାଚୁଥିବାର ଦେଖିବାକୁ ମିଳିଛି । ଏଥିରେ କିଛି ସାଧାରଣ ଲୋକ ମଧ୍ୟ ଅଛନ୍ତି ବୋଲି କୁହାଯାଉଛି । ଉଭୟ ପୁରୁଷ ଏବଂ ମହିଳା ମାଓବାଦୀ ନାଚୁଥିବା ବେଳେ ଅନ୍ୟ କିଛି ମାଓବାଦୀ ବନ୍ଧୁକ ଧରି ପାଖରେ ଛିଡ଼ା ହୋଇଛନ୍ତି । ସାଧାରଣତଃ, ମାଓବାଦୀମାନେ କୌଣସି ଅଘଟଣ ଘଟାଇବାରେ ସଫଳ ହେଲେ କିମ୍ବା କୌଣସି ବିଶେଷ କାର୍ଯ୍ୟକ୍ରମ ଆୟୋଜନ କଲେ ଉତ୍ସବ ପାଳନ କରନ୍ତି ବୋଲି ବିଶେଷଜ୍ଞମାନେ ପ୍ରକାଶ କରିଛନ୍ତି।
