ନିଖୋଜ ବ୍ୟକ୍ତିଙ୍କୁ ଖୋଜିବା ପାଇଁ ଡ୍ୟାମ ବନ୍ଦ

ଲମତାପୁଟ : ନିଖୋଜ ବ୍ୟକ୍ତିଙ୍କୁ ଖୋଜିବା ପାଇଁ ବନ୍ଦ ହେଲା ଡ୍ୟାମ । ଗତ ଗୁରୁବାର ଦିନ  ମାଛକୁଣ୍ଡ ନଦୀରେ ମାଛ ଧରିବାକୁ ଯାଇ ଅନକାଡେଲି ଗାଁର ଶୁକ୍ରା ଗୋଲରୀ ନିଖୋଜ ହୋଇ ଯାଇଥିଲେ । ଶୁକ୍ରାଙ୍କ ଜାଲରେ ବଡ଼ ମାଛ ପଡ଼ିଥିବା ବେଳେ ମାଛଟି ଜାଲ ସହ ଶୁକ୍ରାଙ୍କୁ ପାଣି ଭିତରକୁ ଟାଣି ନେଇ ଯାଇଥିଲା  । ଗତ କାଲି ନନ୍ଦପୁର ଏବଂ ଲମତାପୁଟରୁ ୯ ଜଣିଆ ଅଗ୍ନିଶମ ଟିମ୍ ଖୋଜାଖୋଜି ଜାରି ରଖିଥିଲେ । ହେଲେ ତାଙ୍କ ପତ୍ତା ନମିଳିବାରୁ ଜଳସ୍ତର କମାଇବା ପାଇଁ ଅନୁରୋଧ କରିଥିଲା ଅଗ୍ନିଶମ ଟିମ୍ । ଫଳରେ ଆଜି ଜଲାପୁଟ ଡ୍ୟାମ ବନ୍ଦ କରିବା ପରେ ନଦୀର ପାଣି କମିଛି । ଏବେ ରେସକ୍ୟୁ ଅପରେସନ୍ ଜାରି ରହିଛି ଟିମ୍ ।