ଡାକୁ ହସିନାକୁ ଧରାପକେଇ ଦେଲା ୧୦ଟଙ୍କିଆ ମୃଦୁ ପାନୀୟ, ଲୁଟିଥିଲେ ୮ କୋଟି
ଡେରାଡୁନ: ଧରାପକେଇ ଦେଲା ୧୦ଟଙ୍କିଆ ମୃଦୁ ପାନୀୟ। ଉତ୍ତରାଖଣ୍ଡ ଚମୌଲୀର ହେମକୁଣ୍ଡ ସାହିବରୁ ମନଦୀପ କୌର ଓରଫ ଡାକୁ ହସିନାକୁ ଗିରଫ କରିଛି ପଞ୍ଜାବ ପୋଲିସ। ଜୁନ୍ ୧୦ ତାରିଖରେ ଲୁଧିଆନାର ଏକ କ୍ୟାସ ମ୍ୟାନେଜମେଣ୍ଟ ଫାର୍ମରୁ ୮କୋଟି ୪୯ଲକ୍ଷ ଟଙ୍କା ଲୁଟ୍ ହୋଇଥିଲା। ଲୁଟର ମାଷ୍ଟରମାଇଣ୍ଡ ଥିଲେ ମନଦୀପ କୌର ଓ ତାଙ୍କ ସ୍ବାମୀ ଯଶବିନ୍ଦର କୌର। ଲୁଟ୍ ସଫଳ ହେବା ପରେ ଭଗବାନଙ୍କୁ ଧନ୍ୟବାଦ ଜଣାଇବାକୁ ହେମକୁଣ୍ଡ ସାହିବ ଯାଇଥିଲେ ମନଦୀପ ଓ ଯଶବିନ୍ଦର।
ଉଭୟ ନେପାଳ ପଳାଇବାକୁ ଯୋଜନା କରିଥିଲେ । ତେବେ ଏହାପୂର୍ବରୁ ହରିଦ୍ବାର, କେଦାରନାଥ ଓ ହେମକୁଣ୍ଡ ସାହିବରେ ଦର୍ଶନ କରିବା ପ୍ଲାନ୍ ଥିଲା। ଉଭୟ ହେମକୁଣ୍ଡ ସାହିବରେ ଥିବା ନେଇ ପୋଲିସକୁ ଖବର ମିଳିଥିଲେ ବି ଶ୍ରଦ୍ଧାଳୁଙ୍କ ଭିଡ଼ରେ ଚିହ୍ନଟ କରିବା କଷ୍ଟକର ଥିଲା। ତେଣୁ ମାଷ୍ଟରମାଇଣ୍ଡଙ୍କୁ ଧରିବାକୁ ମାଗଣା ମୃଦୁ ପାନୀୟ ବଣ୍ଟନ କରିଥିଲା ପୋଲିସ।
ଚିହ୍ନା ନପଡ଼ିବା ପାଇଁ ଦମ୍ପତି ମୁହଁରେ କପଡ଼ା ବାନ୍ଧିଥିଲେ । ତେବେ ମୃଦୁ ପାନୀୟ ପିଇବା ପାଇଁ ମୁହଁରୁ କପଡ଼ା ହଟାଇବା ପରେ ପୋଲିସ ସେମାନଙ୍କୁ ଚିହ୍ନଟ କରିଥିଲା । ତେବେ ସଙ୍ଗେ ସଙ୍ଗେ ଗିରଫ ନକରି କିଛି ବାଟ ଗୋଡ଼ାଇବା ପରେ ଧରିଥିଲା। ମନଦୀପଙ୍କ ଗାଡ଼ିରୁ ୧୨ଲକ୍ଷ ଓ ଯଶବିନ୍ଦରଙ୍କ ବରନାଲା ଘରୁ ୯ଲକ୍ଷ ଟଙ୍କା ଜବତ କରାଯାଇଛି । ଘଟଣାରେ ମୋଟ୍ ୧୨ ଅଭିଯୁକ୍ତଙ୍କ ମଧ୍ୟରୁ ୯ଜଣଙ୍କୁ ଗରିଫ କରାଯାଇଛି।
