ବୁର୍ଲା ଭୀମସାରରେ ସୁରକ୍ଷାକର୍ମୀଙ୍କ ଦବଙ୍ଗଗିରି, ଅଟୋ ଚାଳକଙ୍କୁ ଗୋଡ଼ାଇ ଗୋଡ଼ାଇ ପିଟିଲେ

ବୁର୍ଲା: ବୁର୍ଲା ଭୀମସାରରେ ନିୟୋଜିତ ସୁରକ୍ଷାକର୍ମୀଙ୍କ ଦବଙ୍ଗଗିରି । ଅଟୋଚାଳକଙ୍କୁ ଗୋଡ଼ାଇ ଗୋଡ଼ାଇ ପିଟିଲେ ସୁରକ୍ଷାକର୍ମୀ । ଗୁରୁତର ରୋଗୀଙ୍କୁ ମେଡିକାଲ ଭିତରକୁ ନେଉଥିବା ବେଳେ ମାଡ଼ ମାରିଥିବା ଅଭିଯୋଗ ହୋଇଛି । ସୁରକ୍ଷାକର୍ମୀ ଅଟୋଚାଳକଙ୍କୁ ଥାର୍ଡ ଡିଗ୍ରୀ ଦେଇଛନ୍ତି । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ପ୍ରାୟ ୨୦ ରୁ ୩୦ ଜଣ ସୁରକ୍ଷାକର୍ମୀ ଆଇନକୁ ହାତକୁ ନେଇ ଜଣେ ଅଟୋଚାଳକଙ୍କୁ ଲାତ, ଗୋଇଠା ମାରୁଥିବା ଦେଖିବାକୁ ମିଳିଛି । ସୁରକ୍ଷାକର୍ମୀଙ୍କ ଏଭଳି ଉନ୍ମତକାଣ୍ଡରେ ଉପସ୍ଥିତ ସମସ୍ତ ରୋଗୀ ପରିଜନ ଭୟଭୀତ ହୋଇପଡ଼ିଥିଲେ । ତେବେ ଅଟୋ ଚାଳକଙ୍କୁ ନିର୍ଦ୍ଧୁମ ମାଡ଼ ମାରିଥିବା ସୁରକ୍ଷାକର୍ମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହୋଇଛି ।