ରଖେ ହରି ତ ମାରେ କିଏ, ଘରୁ ବାହାରିବାର ୨ ମିନିଟ୍ ପରେ ଘର ଉପରେ ମାଡ଼ି ବସିଲା ବିରାଟ ଗଛ
କେନ୍ଦ୍ରାପଡ଼ା: ଲ୍ୟାଣ୍ଡଫଲ୍ ପରେ ଚାଲି ଯାଇଛି ବାତ୍ୟା । ହେଲେ ବାତ୍ୟା ପରର ବିଭୀଷିକା ମନକୁ ବୁଝାଇ ପାରୁନି । ଭିତରକନିକାର ଡାଙ୍ଗମାଳ ପଞ୍ଚାୟତ ବଡ଼ାଡ଼ିଆ ଗାଁରେ ବ୍ୟାପକ କ୍ଷୟକ୍ଷତି ଘଟାଇଛି । ୪୦ ବର୍ଷର ଚାକୁଣ୍ଡା ଗଛ ସହ ଅନେକ ଗଛ ଘର ଉପରେ ମାଡ଼ି ବସିଛି । ପ୍ରବଳ ବର୍ଷା ଓ ଜୋର ପବନରେ ଆଖି ଆଗରେ ଘର ଉପରେ ଗଛ ମାଡ଼ି ବସିଥିଲା । ଘର ଉପରେ ଗଛ ମାଡ଼ି ବସିବା ପରେ କାହାରି ମୁହଁରେ ଆଉ ଭାଷା ନାହିଁ ।
କୋହ ସମ୍ଭାଳି ପାରୁନାହାଁନ୍ତି ମହିଳା । ଘରୁ ବାହାରିବାର କେଇ ମିନିଟ୍ ମଧ୍ୟରେ ଗଛ ଘର ଉପରେ ମାଡ଼ି ବସିଥିଲା । ଫଳରେ ପରିବାର ଅଳ୍ପକେ ବଡ଼ ଅଘଟଣରୁ ବର୍ତ୍ତି ଯାଇଛନ୍ତି । ପରିବାରର ସଦସ୍ୟ ଗାଁରେ ଥିବା ଅନ୍ୟ ପକ୍କା ଘରେ ଆଶ୍ରୟ ନେଇଥିବା ଜଣାପଡ଼ିଛି । ଡାଙ୍ଗମାଳ ସହ ତାଳଚୁଆ ପଞ୍ଚାୟତରେ ମଧ୍ୟ ବାତ୍ୟା ‘ୟାସ୍’ ବ୍ୟାପକ ତାଣ୍ଡବ ରଚିଛି । ବହୁ ଗଛ ଉପୁଡ଼ି ପଡ଼ିବା ଫଳରେ ଅନେକ ଘର କ୍ଷତିଗ୍ରସ୍ତ ହୋଇଛି ।
