ପଶ୍ଚିମବଙ୍ଗରେ ‘ୟାସ୍’ ତାଣ୍ଡବ; ହଳଦିଆରେ ଭାଙ୍ଗିଲା ପୋଲ, ଦୀଘା ସହରରେ ପଶିଲା ପାଣି

କୋଲକାତା: ଅତି ଭୀଷଣ ବାତ୍ୟା ‘ୟାସ୍’ ଉତ୍ତର ଓଡ଼ିଶା ସହ ପଶ୍ଚିମବଙ୍ଗରେ ତାଣ୍ଡବ ରଚିଛି । ବାତ୍ୟା ‘ୟାସ୍’ ବାଲେଶ୍ୱରର ରେମୁଣା-ବାହାନଗା ଅଞ୍ଚଳରେ ଲ୍ୟାଣ୍ଡଫଲ୍ ପରେ ମୟୂରଭଞ୍ଜ ଦେଇ ଝାଡ଼ଖଣ୍ଡ ମୁହାଁ ହୋଇଛି । ତଥାପି ପବନ ଓ ବର୍ଷା କମିନି । ଓଡ଼ିଶା ସହ ପଶ୍ଚିମବଙ୍ଗ ଉପକୂଳରେ ସନ୍ଧ୍ୟା ଯାଏ ଜୋରରେ ପବନ ବହିବ ।

ଓଡ଼ିଶା ଭଳି ପଶ୍ଚିମବଙ୍ଗର କେତେକ ତଳିଆ ଅଞ୍ଚଳରେ ପାଣି ପଶି ଯାଇଛି । ହଳଦିଆ ଏୟାରପୋର୍ଟରେ ଲହଢ଼ି ଭାଙ୍ଗୁଛି ପାଣି । ଦୀଘା ସହରରେ ମଧ୍ୟ ପାଣି ପଶିଛି । ସହରରେ ଥିବା ବିଭିନ୍ନ ଦୋକାନରେ ମଧ୍ୟ ପାଣି ପଶିଛି । ସମୁଦ୍ର ଲହରୀରେ ଦୀଘାର ସଡ଼କ ନଦୀର ଭ୍ରମ ସୃଷ୍ଟି କରିଛି । ଉଦ୍ଧାର କାର୍ଯ୍ୟରେ ଭାରତୀୟ ସେନା ନିୟୋଜିତ ହୋଇଛି । ସହରର ପ୍ରାୟ ୨ କିଲୋମିଟର ଅଞ୍ଚଳରେ ସମୁଦ୍ର ପାଣି ପଶି ଯାଇଛି ।

ତେବେ ଲକଡାଉନ୍ ଯୋଗୁଁ ଦୋକାନ ଗୁଡ଼ିକ ବନ୍ଦ ରହିଥିଲା । ଏବେ ସମୁଦ୍ର ପାଣି ପଶିଯିବା ପରେ ଦୋକାନରୁ ସାମଗ୍ରୀ ଉଦ୍ଧାର ପାଇଁ ପ୍ରୟାସ ଚାଲିଛି । ହଳଦିଆରେ ଉଚ୍ଚା ଲହର ଆସିବା ପରେ ଏକ ପୋଲର ଅଧା ଅଂଶ ଭାଙ୍ଗି ଯାଇଛି । ଦକ୍ଷିଣ ୨୪ ପ୍ରଗଣା, ସାଗର, ଗୌସାବା, କେ ମନ୍ଦାରମଣି, ଦୀଘା ଓ ଶଙ୍କରପୁର ଆଦି ଅଞ୍ଚଳରେ ପାଣି ପଶିଛି ।

https://www.youtube.com/watch?v=utz6EO_iK34