ଗୁଜରାଟ ଉପକୂଳର ୧୪ ଜିଲ୍ଲାରେ ‘ତୌକତେ’ ତାଣ୍ଡବ, ମୁମ୍ବାଇରେ ୬ ମୃତ

ନୂଆଦିଲ୍ଲୀ: ଦୁଇ ଦିନ ତାଣ୍ଡବ ରଚିବା ପରେ ଦୁର୍ବଳ ହେଉଛି ସାମୁଦ୍ରିକ ବାତ୍ୟା ‘ତୌକତେ’ । ବିଳମ୍ବିତ ରାତିରେ ଗୁଜରାଟର ସୌରାଷ୍ଟ୍ରରେ ‘ତୌକତେ’ ଲ୍ୟାଣ୍ଡଫଲ୍ କରିଥିଲା । ‘ତୌକତେ’ ଉପକୂଳରେ ମାଡ଼ ହେବା ପରେ ଜୋରରେ ପବନ ବହିବା ସହ ପ୍ରବଳ ବର୍ଷା ହୋଇଥିଲା । ଗୁଜରାଟରେ ଉଦ୍ଧାର କାର୍ଯ୍ୟ ପାଇଁ ସେନାର ୧୮୦ଟି ଟିମ୍ ମୁତୟନ ହୋଇଛନ୍ତି । ଏବେ ସୁଦ୍ଧା ୨ ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି ।

Cyclone Tauktae update based on 0200 IST 18th May 2021 INSAT 3D satellite image – The rear sector of the eyewall now lies completely overland. Land interaction has disorganized the eye and eyewall cloud structure. pic.twitter.com/yvfa8tYmlk

— India Meteorological Department (@Indiametdept) May 17, 2021

ଆରବସାଗରରେ ଆସିଥିବା ବାତ୍ୟା ‘ତୌକତେ’ ମୁମ୍ବାଇରେ ବି ତାଣ୍ଡବ ରଚିଛି । ମୁମ୍ବାଇର ଅଧିକାଂଶ ଅଞ୍ଚଳରେ ଜଳ ଭର୍ତ୍ତି ହୋଇ ଯାଇଛି । ଗଛ ସହ କେତେକ ସ୍ଥାନରେ ପୋଲ ଭାଙ୍ଗି ଯାଇଛି । ମହାରାଷ୍ଟ୍ର ଅଧିକାରୀଙ୍କ ଅନୁସାରେ ଭିନ୍ନ ଭିନ୍ନ ଘଟଣାରେ ପ୍ରାୟ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ୨ଟି ଡଙ୍ଗା ସମୁଦ୍ରରେ ବୁଡ଼ି ଯିବାରୁ ୩ ଜଣ ନାବିକ ନିଖୋଜ ଅଛନ୍ତି ।