ପଶ୍ଚିମବଙ୍ଗ ଓ ବାଂଲାଦେଶ ସୀମାନ୍ତ ଜିଲ୍ଲା ଦକ୍ଷିଣ ୨୪ ପରଗଣାରେ ବ୍ୟାପକ କ୍ଷୟକ୍ଷତି କଲା`ରେମାଲ’
1 min read
ଭୁବନେଶ୍ବର: ଉପକୂଳ ଅତିକ୍ରମ କଲା ବାତ୍ୟା `ରେମାଲ’। ଗତକାଲି ରାତି ସାଢେ ୧୦ଟାରୁ ରାତି ସାଢେ ୧୨ଟା ମଧ୍ୟରେ ବାଂଲାଦେଶ ଏବଂ ପଶ୍ଚିମବଙ୍ଗ ଉପକୂଳକୁ ଏକ ଭୀଷଣ ବାତ୍ୟା ଭାବେ ଅତିକ୍ରମ କରିଛି l ପଶ୍ଚିମବଙ୍ଗ ଓ ବାଂଲାଦେଶ ଉପକୂଳରେ ରଚିଲା ତାଣ୍ଡବ। ଘଣ୍ଟା ପ୍ରତି ୧୩୫ କିମି ବେଗରେ ବହିଲା ପବନ। `ରେମାଲ’ ପ୍ରଭାବରେ ପ୍ରବଳ ବର୍ଷା ଓ ପବନ ଜାରି ରହିଛି। ଉତ୍ତର-ଉତ୍ତରପୂର୍ବ ଦିଗରେ ଗତି କରୁଛି ଭୀଷଣ ବାତ୍ୟା `ରେମାଲ’।
୩ ଘଣ୍ଟା ମଧ୍ୟରେ ଦୁର୍ବଳ ହୋଇ ନେବ ବାତ୍ୟାର ରୂପ । ଏହାର ପ୍ରଭାବରେ ପଶ୍ଚିମବଙ୍ଗ ଓ ବାଂଲାଦେଶ ସୀମାନ୍ତ ଜିଲ୍ଲା ଦକ୍ଷିଣ ୨୪ ପରଗଣାରେ ବ୍ୟାପକ କ୍ଷୟକ୍ଷତି। ଗଙ୍ଗାସାଗର ଆଶ୍ରମ ରୋଡ ପାଖରେ ବହୁ ଗଛ, ବିଦ୍ୟୁତ ଖୁଣ୍ଟ ସଡକ ଉପରେ ପଡି ଯାଇଛି। NDRF ଟିମ୍ ପହଞ୍ଚି ବିଦ୍ୟୁତ ଖୁଣ୍ଟ ଓ ଗଛ କାଟି ରାସ୍ତା ଉପରୁ ପରିଷ୍କାର କରୁଛନ୍ତି ।
