ଲ୍ୟାଣ୍ଡଫଲ କଲା ନିସର୍ଗ : ମୁମ୍ବାଇରେ ହାଇଟାଇଡ୍,ଅଲ୍ଲିବାଗରେ ପବନର ବେଗ ଘଣ୍ଟା ପ୍ରତି ୧୨୦ରୁ ୧୪୦ କିମି

ମୁମ୍ବାଇ: ବାତ୍ୟା ନିସର୍ଗ  ମହାରାଷ୍ଟ୍ର ଉପକୂଳରେ ଲ୍ୟାଣ୍ଡଫଲ କରିଛି । ଅଲ୍ଲିବାଗ ନିକଟରେ ଏହା ଲ୍ୟାଣ୍ଡଫଲ କରିଥିବା ଜଣା ପଡିଛି । ସେଠାରେ ପବନର ବେଗ ଘଣ୍ଟାପ୍ରତି ୧୨୦ରୁ ୧୪୦ କିମି ରହିଛି ।

ଅନ୍ୟପକ୍ଷରେ ଏହାର ପ୍ରଭାବରେ ରାୟଗଡରେ ତୀବ୍ର  ବେଗରେ ପବନ ବୋହିବା ଆରମ୍ଭ ହୋଇଛି । ରାୟଗଡରେ ଘର ଛାତ ଉଡିଯିବା ଖବର ମିଳୁଛି । ପାଣିପାଗ ବିଭାଗ ସୂଚନା ଅନୁସାରେ ନିସର୍ଗର ବେଗ ଘଣ୍ଟାପ୍ରତି ଏବେ ୧୦୦ କିଲୋମିଟର ରହିଛି । ରତ୍ନଗିରି,ଅଲ୍ଲିବାଗରେ ବର୍ଷା ମଧ୍ୟ ଆରମ୍ଭ ହୋଇଛି ।

#CycloneNisarga will cross Maharashtra coast between Harihareshwar & Daman, very close to Alibaug between 1 pm to 4 pm; Latest visuals from Alibaug. pic.twitter.com/39ouVK0n9L

— ANI (@ANI) June 3, 2020

ମୁମ୍ବାଇରେ ଆଉ କିଛି ସମୟ ମଧ୍ୟରେ ବାତ୍ୟା ଲ୍ୟାଣ୍ଡଫଲ କରିବା ସମ୍ଭାବନା ରହିଛି । ମୁମ୍ବାଇରେ ହାଇଟାଇଡ୍ ଆସିବ ବୋଲି ଆଗରୁ ସତର୍କ କରାଇ ଦିଆଯାଇଛି । ମୁମ୍ବାଇ ଇତିହାସର ଏହା ପ୍ରଥମ ବାତ୍ୟା ବୋଲି କୁହାଯାଉଛି । ମହାରାଷ୍ଟ୍ର ସରକାର ୧୨ଟି ଉପକୂଳ ଜିଲ୍ଲାରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିଛନ୍ତି ।