ବାତ୍ୟା ପ୍ରଭାବରେ ବେହାଲ ହେଲାଣି ଚେନ୍ନାଇ ସ୍ଥିତି, ରାସ୍ତାରେ ଭାସୁଛି କାର

ଚେନ୍ନାଇ: ବାତ୍ୟା ’ମିଗଜେମ’ ପ୍ରଭାବ। ବେହାଲ ହେଲାଣି ଚେନ୍ନାଇ ସ୍ଥିତି। ପ୍ରବଳ ବର୍ଷାରେ ରାସ୍ତା ପୁରା ଜଳମୟ ହୋଇଯାଇଛି । ଯୁଆଡ଼େ ଚାହିଁବ ଖାଲି ପାଣି ପାଣି ପାଣି । ଯାହାଦ୍ବାରା ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ତାମିଲନାଡ଼ୁ ଅଧିକାଂଶ ଜିଲ୍ଲା ପ୍ରଭାବିତ ହୋଇଛି । ସେପଟେ ଚେନ୍ନାଇ ଏବେ ପାଣିରେ ବୁଡ଼ି ରହିଛି । ବାତ୍ୟାକୁ ପ୍ରଭାବ ଯୋଗୁଁ ବିଜଳି କାଟ ହୋଇଥିବାବେଳେ ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଚାରିଆଡ଼େ ପାଣି ଭରି ରହିଥିବାବେଳେ କାର ଗୁଡ଼ିକ ରାସ୍ତାରେ ଭାସୁଥିବା ଦେଖିବାକୁ ମିଳୁଛି । ଯାହାର ଭିଡିଓ ସବୁ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।

ତାମିଲନାଡୁରେ ବାତ୍ୟା ମିଗଜୋମର ପ୍ରଭାବ । ବର୍ତ୍ତମାନ ଚେନ୍ନାଇ ଉପକୂଳରୁ ବାତ୍ୟା ମିଗଜୋମ ୧୧୦ କିଲୋମିଟର ପୂର୍ବ ଉତ୍ତରପୂର୍ବ ଅଂଚଳରେ ରହିଛି । ଏହା ଘଣ୍ଟାକୁ ୧୦ କିଲୋମିଟର ବେଗରେ ଅତିକ୍ରମ କରୁଛି । ଅପରାହ୍ନ ସୁଦ୍ଧା ବାତ୍ୟା ସମାନ୍ତରାଳ ଭାବେ ଚେନ୍ନାଇ ଉପକୂଳ ଅତିକ୍ରମ କରିବା ସମ୍ଭାବନା ରହିଛି । ଏହାର ପ୍ରଭାବରେ ତାମିଲନାଡୁ ଉପକୂଳରେ ପ୍ରବଳ ବର୍ଷା ଲାଗି ରହିଛି ।ପ୍ରବଳ ବେଗରେ ପବନ ବହିବାରୁ ଅନେକ ଗଛ ଭାଂଗି ପଡିଛି । ରାସ୍ତାରେ ଗଛ ପଡ଼ି ଯାତାୟତ ପ୍ରଭାବିତ ହୋଇଛି । ଚେନ୍ନାଇ ସହର ଜଳମଗ୍ନ ହୋଇପଡିଛି । ସହରରେ ପାଣି ଜମି ରହିଥିବାରୁ ଅନେକ ଗାଡି ବୁଡିଯାଇଛି । ରାସ୍ତାରେ ପାଣିରେ କାର ଭାସିଯାଉଛି । ପ୍ରବଳ ବର୍ଷାରୁ ତଳିଆ ଅଂଚଳ ଜଳମଗ୍ନ ହୋଇପଡିଛି। ବାତ୍ୟା ପ୍ରଭାବରେ ଚେନ୍ନାଇରେ ବିଦ୍ୟୁତ ଓ ଇଣ୍ଟରନେଟ ବ୍ୟବସ୍ଥା ପ୍ରଭାବିତ ହୋଇଛି । ଆଜି ସକାଳୁ ଚେନ୍ନାଇରେ ପ୍ରବଳ ବର୍ଷା ହେଉଛି । ବର୍ଷା ଯୋଗୁଁ ଚେନ୍ନାଇରେ ବିମାନ ଚଳାଚଳ ବାଧାପ୍ରାପ୍ତ ହୋଇଛି।