ଦୁର୍ବଳ ହୋଇଛି ବାତ୍ୟା ଗୁଲାବ: ଆଗାମୀ ୬ ଘଣ୍ଟା ମଧ୍ୟରେ ଦୁର୍ବଳ ହୋଇ ଅବପାତର ରୂପ ନେବ

ଭୁବନେଶ୍ୱର: ଗତକାଲି ସ୍ଥଳଭାଗ ଛୁଇଁବା ପରେ ଦୁର୍ବଳ ହେବାରେ ଲାଗିଛି ବାତ୍ୟା ଗୁଲାବ । ବର୍ତ୍ତମାନ ଗଭୀର ଅବପାତ ଭାବେ ସକ୍ରିୟ ରହିଛି ଗୁଲାବ । ଗତ ୬ ଘଣ୍ଟା ମଧ୍ୟରେ ଏହା ଘଣ୍ଟାପ୍ରତି ୧୪ କିମି ବେଗରେ ପଶ୍ଚିମ ଦିଗରେ ଗତି କରୁଛି । ଆହୁରି ୬ ଘଣ୍ଟାରେ ଆହୁରି ଦୁର୍ବଳ ହୋଇ ଅବପାତର ରୂପ ନେବାର ସମ୍ଭାବନା ରହିଛି । ଗତକାଲି ସନ୍ଧ୍ୟା ସାଢ଼େ ୭ରୁ ୮ ମଧ୍ୟରେ କଳିଙ୍ଗପାଟ୍ଟନମ୍‌ର ସନ୍ଥିଗୁଡ଼ାରେ ଲ୍ୟାଣ୍ଡଫଲ୍ କରିଥିଲା ବାତ୍ୟା ଗୁଲାବ । ଲ୍ୟାଣ୍ଡଫଲ ବେଳକୁ ପବନର ବେଗର ସର୍ବାଧିକ ଘଣ୍ଟାପ୍ରତି  ୯୪ କିଲୋମିଟର ରହିଥିଲା । ଅପରପକ୍ଷରେ ଏହାର ପ୍ରଭାବରେ ଦକ୍ଷିଣ ଓଡ଼ିଶାର ଗଜପତି, ରାୟଗଡ଼ା ଓ କ‌ୋରାପୁଟରେ ବର୍ଷା ଦେଖିବାକୁ ମିଳିଛି ।

ବାତ୍ୟା #ଗୁଲାବ ଦୁର୍ବଳ ହୋଇ ଗୋଟିଏ #ଗଭୀରଅବପାତ ଭାବେ ସକ୍ରିୟ | ଗତ #୬ଘଣ୍ଟାରେ ଏହା ଘଣ୍ଟା ପ୍ରତି #୧୪କିମି ବେଗରେ ପଶ୍ଚିମ ଦିଗରେ ଗତି କରୁଛି | ଆଗାମୀ ୬ ଘଣ୍ଟାରେ ଆହୁରି #ଦୁର୍ବଳ ହୋଇ #ଅବପାତ ର ରୂପ ନେବା ସମ୍ଭାବନା pic.twitter.com/bmw3iM6W3Y

— Meteorological Centre, Bhubaneswar (@mcbbsr) September 27, 2021