ଭୁବନେଶ୍ୱର: ଫନି ବାତ୍ୟାକୁ ପୂରିଲା ୪ ବର୍ଷ। ୨୦୧୯ ଆଜିର ଦିନରେ ବାତ୍ୟା ଫନି ବ୍ୟାପକ କ୍ଷୟକ୍ଷତି ଘଟାଇଥିଲା । ଓଡ଼ିଶା, ପଶ୍ଚିମବଙ୍ଗ ଓ ଆନ୍ଧ୍ରପ୍ରଦେଶର ପ୍ରାୟ ୨୪ଜିଲ୍ଲାରେ ବ୍ୟାପକ କ୍ଷୟକ୍ଷତି କରିଥିଲା ଫନି । ରାଜ୍ୟର ୧୪ ଜିଲ୍ଲା ହୋଇଥିଲା ପ୍ରଭାବିତ ।
ପୁରୀରେ ଲ୍ୟାଣ୍ଡଫଲ କରିଥିଲା ବାତ୍ୟା ଫନି । ଫଳରେ ପୁରୀ, ଖୋର୍ଦ୍ଧା, କଟକ, ନୟାଗଡ଼ ଓ ଜଗତସିଂହପୁର ବେଶି ପ୍ରଭାବିତ ହୋଇଥିଲା । ପ୍ରାୟ ୧କୋଟି ୬ ଲକ୍ଷ ଲୋକ ଫନିରେ ପ୍ରଭାବିତ ହୋଇଥିଲେ। ପୁରୀରେ ଲକ୍ଷେରୁ ଅଧିକ ଘର ଭାଙ୍ଗିଯାଇଥିଲା। ସବୁଜିମା ଭରା ରାଜଧାନୀକୁ ଖିନଭିନ୍ କରି ଦେଇଥିଲା ବାତ୍ୟା ଫନି।
ଫନି ପରେ ସ୍ମାର୍ଟ ସିଟି ଭୁବନେଶ୍ୱରକୁ ସ୍ୱାଭାବିକ ସ୍ଥିତିକୁ ଫେରାଇ ଆଣିବା ପାଇଁ ଅନେକ କଷ୍ଟ କରିବାକୁ ପଡ଼ିଥିଲା । ସହରରେ ଅନେକ ଦିନ ଧରି ବିଦ୍ୟୁତ ଆସିନଥିଲା । ଇଣ୍ଟରନେଟ ସେବା ମଧ୍ୟ କ୍ଷତିଗ୍ରସ୍ତ ହୋଇଥିଲା । ଫନିରେ ବିଦ୍ୟୁତ ବିଭାଗର ଅଣ୍ଟା ଭାଙ୍ଗିଯାଇଥିଲା । ହେଲେ ସରକାରଙ୍କ ଜିରୋ କାଜୁଆଲିଟି ମିଶନ ସଫଳ ହୋଇଥିଲା ।
ତଳି ଅଞ୍ଚଳକୁ ଲୋକଙ୍କୁ ସୁରକ୍ଷିତ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଥିଲା । ରାସ୍ତାରେ ପଡ଼ିଥିବା ବଡ଼ ବଡ଼ ଗଛ ସବୁ ତୁରନ୍ତ ରାସ୍ତାରୁ ହଟାଇଥିଲେ ଉଦ୍ଧାରକାରୀ ଟିମ୍ । ଏହି ବାତ୍ୟାକୁ ଆଜି ୪ ବର୍ଷ ପୂରିଛି , ହେଲେ ଆଜିବି ଲୋକଙ୍କ ମନରୁ ସେ ସ୍ମୃତି ହଜିନି । ଚଳିତ ବର୍ଷ ପୁଣି ଏକ ପୁଣି ଏକ ବାତ୍ୟା ଭୟ ଘାରିଛି ।
