ବିଭିନ୍ନ ସ୍ଥାନରେ ଏମିତି ତାଣ୍ଡବ ରଚୁଛି ବାତ୍ୟା ‘ବୁଲବୁଲ୍’

ଭୁବନେଶ୍ୱର: ବାତ୍ୟା ‘ବୁଲବୁଲ୍’ ପ୍ରଭାବରେ ପ୍ରବଳ ବର୍ଷା ସହ ପବନ ହେଉଛି । ଭଦ୍ରକ ବାସୁଦେବପୁର-ଧାମରା ରୋଡରେ ଗଛ ଉପୁଡ଼ି ପଡ଼ିଛି । ସେଠାରେ ଏନଡିଆରଏଫ୍ ଟିମ୍ ପହଞ୍ଚିଛନ୍ତି । କେନ୍ଦ୍ରାପଡ଼ା ଜିଲ୍ଲାର କେତକ ସ୍ଥାନରେ ବଡ଼ ବଡ଼ ଗଛ ରାସ୍ତା ଉପରେ ଉପୁଡ଼ି ପଡ଼ିଛି । ଜୋରରେ ପବନ ହେଉଥିବାରୁ ଗଛ କଟାଯାଇ ପାରିନାହିଁ ।

ଚାନ୍ଦବାଲି, ଧାମରା ଅଞ୍ଚଳରେ ପବନର ବେଗ ୬୦ରୁ ୭୦ କିମି ରହିଛି । ବାସୁଦେବପୁର ବ୍ଲକରେ ୨୦ ଜଣଙ୍କୁ ଉଦ୍ଧାର କରାଯାଇ ବାତ୍ୟା ଆଶ୍ରୟସ୍ଥଳୀକୁ ନିଆଯାଇଛି । ପ୍ରବଳ ବର୍ଷା ଓ ପବନ ଯୋଗୁଁ ପାରାଦୀପ କଳିଙ୍ଗ ବାଲିଯାତ୍ରା ତୋରଣ ଭାଙ୍ଗି ଯାଇଛି । ଜଗତସିଂହପୁର ଜିଲ୍ଲାର ବିଭିନ୍ନ ସ୍ଥାନରେ ଗଛ ପଡ଼ି ରାସ୍ତା ଅବରୋଧ ହୋଇଛି ।

')}