ଦୁର୍ବଳ ହେଉଛି ବାତ୍ୟା ଅସାନି, ୨୫ ମିଟର ମାଡ଼ି ଆସିଲାଣି ସମୁଦ୍ର

ପାରାଦୀପ: ବାତ୍ୟା ଅସାନି ପ୍ରଭାବରେ ପାରାଦୀପରେ କୂଳ ଲଙ୍ଘୁଛି ସମୁଦ୍ର । ପାରାଦୀପରେ ୬ ମିଟରରୁ ଉଚ୍ଚ ଜୁଆର ଉଠିବାରେ ଲାଗିଛି । ପାଖାପାଖି ୨୫ ମିଟର ମାଡ଼ି ଆସିଲାଣି ସମୁଦ୍ର । ଯାହାକୁ ନେଇ ଆଶଙ୍କାରେ ବନ୍ଦର ନଗରୀ ପାରାଦୀପ ବାସିନ୍ଦା । ସମୁଦ୍ରର ଏଭଳି ଭୟଙ୍କର ଦୃଶ୍ୟ ଖାଲି ପାରାଦୀପ ନୁହେଁ, ବାଲିକୁଦା ଓ ଏରସମା ବ୍ଲକର ସମୁଦ୍ର କୂଳରେ ମଧ୍ୟ ଦେଖିବାକୁ ମିଳିଛି ।

ମହାବାତ୍ୟାରେ ମଧ୍ୟ ଏଭଳି ଲହଡ଼ି କେବେ ଦେଖି ନ ଥିଲେ ଲୋକେ । ଯାହାକୁ ନେଇ ଲୋକମାନଙ୍କ ମନରେ ଆଶଙ୍କା ସୃଷ୍ଟି ହୋଇଛି । ଅସାନିର ପ୍ରଭାବରେ ପାରାଦୀପ କିମ୍ବା ଆଖପାଖ ଅଞ୍ଚଳରେ ବର୍ଷା କିମ୍ବା ପବନ ହୋଇ ନ ଥିବା ବେଳେ ସମୁଦ୍ର କିନ୍ତୁ ଅଶାନ୍ତ ରହିଛି ।