ବଳ ଗୋଟାଉଛି ବାାତ୍ୟା, ପୁରୀଠାରୁ ୯୬୦ କିମି ଦୂରରେ ଆସାନୀ

1 min read

ଭୁବନେଶ୍ୱର: ସମ୍ଭାବ୍ୟ ବାତ୍ୟା ଆସାନୀକୁ ନେଇ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନାଙ୍କ ପ୍ରେସମିଟ୍  ।  ଓଡ଼ିଶା କିମ୍ବା ଆନ୍ଧ୍ର ଉପକୂଳ ଛୁଇଁବନି ବାତ୍ୟା। ପୂରୀ ଉପକୂଳଠାରୁ ୯୦ କିମ୍ବା ଶହେ କିମି ଦୂରରେ ସମାନ୍ତରାଳ ଭାବେ ଗତି କରିବ ଅସାନି। ବାତ୍ୟା ପ୍ରଭାବରେ ମେ’ ୧୦, ୧୧ ଓ ୧୨ ତାରିଖରେ ବିଭିନ୍ନ ଜିଲ୍ଲାରେ ମଧ୍ୟମରୁ ପ୍ରବଳ ହେବା ସମ୍ଭାବନା ରହିଛି । ବଙ୍ଗୋପସାଗରରେ ବାତ୍ୟା ‘ଅସାନି’ ଏବେ ପୁରୀଠାରୁ ୯୨୦ କିଲୋମିଟର ଦୂରରେ ରହିଛି। ପୁରୀ ଉପକୂଳରୁ ପ୍ରାୟ ଶହେ କିମି ଦୂର ଦେଇ ବାତ୍ୟା ଗତି କରିପାରେ। ଏବେ ବାତ୍ୟା ‘ଅସାନି’ ଦକ୍ଷିଣ-ପୂର୍ବ ବଙ୍ଗୋପସାରରେ ରହିଛି ଏବଂ ଉତ୍ତର-ପଶ୍ଚିମ ଦିଗରେ ଗତି କରୁଛି ।

୧୦ ତାରିଖ ସନ୍ଧ୍ୟା ପରେ ତାହା ଉତ୍ତର-ପୂର୍ବ ଦିଗକୁ ବା ଡାହାଣକୁ ରିକର୍ଭ କରିବ । ପୁରୀଠାରୁ ପ୍ରାୟ ୯୦-୧୦୦ କିମି ଦୂରରେ ରହିବ ବାତ୍ୟାର ଗତିପଥ । ସେହି ସମୟରେ ଉପକୂଳବର୍ତ୍ତୀ ଜିଲ୍ଲାରେ ପବନର ବେଗ ୪୦ରୁ ୫୦ କିମି ରହିବ । ୧୦ ତାରିଖରେ ଗଞ୍ଜାମ, ପୁରୀ ଓ ଗଜପତିରେ ସାମାନ୍ୟରୁ ମଧ୍ୟମ ଧରଣର ବର୍ଷା ହୋଇପାରେ । ୧୧ ଓ ୧୨ ତାରିଖରେ ଗଞ୍ଜାମ, ପୁରୀ, ଜଗତସିଂହପୁର, ଓ କେନ୍ଦ୍ରାପଡ଼ାରେ ମଧ୍ୟରୁ ପ୍ରବଳ ବର୍ଷା ହେବା ସମ୍ଭାବନା ରହିଛି । ସମୁଦ୍ର ମଧ୍ୟରେ ଥିବା ସମସ୍ତ ମାଛଧରା ବୋଟ କୂଳକୁ ଫେରିଆସିଛି। ଆସନ୍ତାକାଲି ଚିଲିକାରେ ଡଙ୍ଗା ଚଳାଚଳ ନିୟନ୍ତ୍ରଣ କରାଯିବ ବୋଲି SRC କହିଛନ୍ତି ।

ଖରାଦିନିଆ ବାତ୍ୟା ଯୋଗୁ ବନ୍ୟା ଆଶଙ୍କା ନାହିଁ। ତଳିଆ ଅଞ୍ଚଳଗୁଡ଼ିକରେ ସତର୍କ ରହିବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି । ଉଦ୍ଧାର କାର୍ଯ୍ୟ ପାଇଁ ଗଞ୍ଜାମରେ ଦୁଇଟି ଓଡ୍ରାଫ ଟିମ୍ ମୁତୟନ କରାଯାଇଥିବା ବେଳେ ପୁରୀରେ ୫ଟି, ଜଗତସିଂହପୁର, ଭଦ୍ରକରେ ଗୋଟିଏ ଲେଖଏଁ ଟିମ୍ ପ୍ରସ୍ତୁତ ରହିଛନ୍ତି। ବାଲେଶ୍ବରରେ ଗୋଟିଏ ଏନଡିଆରଏଫ୍ ଟିମ୍ ରହିବ । ମେ ୧୧ ତାରିଖ ଓଡ଼ିଶା ପାଇଁ ଗୁରୁତ୍ବପୂର୍ଣ୍ଣ । ବାତ୍ୟାର ସବୁପ୍ରକାର ମୁକାବିଲା ଲାଗି ସରକାର ପ୍ରସ୍ତୁତ ଅଛନ୍ତି ବୋଲି କହିଛନ୍ତି ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ।.

[DISPLAY_ULTIMATE_SOCIAL_ICONS]