ଭାଲେଣ୍ଟାଇନ ଡେ ନାଁରେ ଲୁଟ: ଯୁବାବର୍ଗଙ୍କୁ ଟାର୍ଗେଟ କଲେ ସାଇବର ଅପରାଧି

ନୂଆଦିଲ୍ଲୀ: ଭାଲେଣ୍ଟାଇନ ଡେ ନାଁରେ ଲୁଟ।  ପୁଣି ଥରେ ଯୁବାବର୍ଗଙ୍କୁ ଟାର୍ଗେଟ କଲେ ସାଇବର ଅପରାଧି।  କେତେବେଳେ ତାଜ ହୋଟେଲ ନାଁରେ ତ ପୁଣି କେତେବେଳେ ଟାଟା କମ୍ପାନୀ ନାଁରେ ଜାଲ ବିଛାଉଛନ୍ତି ସାଇବର ଠକ । ଲୁଟ୍ ପାଇଁ ହ୍ୱାଟ୍ସଆପକୁ ମାଧ୍ୟମ କରିଛନ୍ତି ଏହି ଲୁଟେରା ଏତିକିରେ ଫେଲ ମାରିଲେ ଏନି ଡେସ୍କ ଆପ୍ଲିକେସନ ଡାଉନଲୋଡ କରିବାକୁ କହି ଟଙ୍କା ଲୁଟୁଛନ୍ତି।

ପ୍ରେମ ସପ୍ତାହକୁ ଚାହିଁ ବସିଛନ୍ତି ପ୍ରେମୀ ଯୁଗଳ। ପରସ୍ପରଙ୍କୁ ଉପହାର ଦେବା ପାଇଁ କେତେ କଣ ଯୋଜନା ବି ହୋଇଛି।  ଏହି ସମୟରେ ଯୁବାବର୍ଗଙ୍କୁ ଲୁଟିବା ପାଇଁ ନୂଆ ଜାଲ ବିଛାଇଛି ସାଇବର ଅପରାଧି । ୭ ଦିନ ମାଗଣାରେ ତାଜ ହୋଟେଲରେ ବିତାଇପାରିବା ଭଳି ମନଲୋଭା  ଅଫର ମିଳୁଛି । କେବଳ ଏତିକି ନୁହଁ ନିଜର ପ୍ରିୟଜନଙ୍କୁ ଆପଣ ଗିଫ୍ଟ ଦେବାପାଇଁ ମାଗଣା ମୋବାଇଲ ଯୋଗାଇବାକୁ ପ୍ରଲୋଭିତ କରୁଛି ଠକ ।  ଏଥିପାଇଁ ଗୋଟିଏ ଲିଙ୍କ କ୍ଲିକ କରିବାକୁ ମେସେଜ ଆସୁଛି । ଲିଙ୍କ କରିବା ପରେ ସହଜ ପ୍ରଶ୍ନର ଉତର ଦେବାକୁ ପଡୁଛି।  ଏହାପରେ ୫ ଜଣଙ୍କୁ ପଠାଇବା ପାଇଁ ନିର୍ଦ୍ଦେଶ ଦିଆଯାଉଛି।  ଏହି ମେସଜ୍ ପଠାଇବା ବେଳେ ଆପଣଙ୍କ ଠାରୁ ଡାଟା ଚୋରୀ କରି ଆପଣଙ୍କ ଆକାଉଣ୍ଟ ଖାଲି କରୁଛି ସାଇବର ଠକ।

It has come to our notice that a website has been promoting a Valentine’s Day initiative, offering a Taj Experiences Gift Card via WhatsApp. We would like to inform that Taj Hotels/IHCL has not offered any such promotion. We request to take note of this and exercise due caution.

— Taj Hotels (@TajHotels) January 30, 2021

ଅନ୍ୟପଟେ ମୋବାଇଲରେ ଥିବା ଟେଲି ଆପ୍ଲିକେସନ ସଂପର୍କ ଅଧିକ ସୂଚନା ନେବା ପାଇଁ ଏକ କଷ୍ଟମର କେୟାରକୁ କଲ କରି କେସିଙ୍ଗାର ବ୍ୟବସାୟୀ ନାରାୟଣ ଅଗ୍ରୱାଲ ସାଇବରଠକେଇର ଶିକାର ହୋଇଛନ୍ତି । ଏନି ଡେସ୍କ ଆପ୍ଲିକେସନ ଡାଉନଲୋଡ କରିବାକୁ କହିଥିଲେ ଠକ । ଏହାକୁ ଡାଉନ ଲୋକ କରବା ମାତ୍ରେ ପ୍ରଥମ ଥର ୯୯ ହଜାର ଓ ପରେ ୨୦ ହଜାର ଲେଖାଏଁ ୪ ଥର ତାଙ୍କ ଆକାଣ୍ଟରୁ ଟଙ୍କା ଅଭିଯୁକ୍ତ ଗାଏବ କରିନେଲେ । ଏନେଇ ନାରାୟଣ କେସିଙ୍ଗା ଥାନାରେ ଲିଖିତ ଅଭିଯୋଗ ସହିତ ବ୍ରହ୍ମପୁର ସାଇବର କ୍ରାଇମ ସେଲରେ ମଧ୍ୟ ଅଭିଯୋଗ କରିଛନ୍ତି ।