ବନ୍ଧୁଙ୍କ ସ୍ବରରେ କଲ୍‌ କରୁଛି AI, ଚାହୁଁଚାହୁଁ ଆକାଉଣ୍ଟରୁ ଟଙ୍କା ଗାଏବ

ନନ୍ଦିଘୋଷ ବ୍ୟୁରୋ: ଆଜିର ଟେକ୍ନୋଲଜିରେ ଆଉ ଏକ ପାଦ ଯୋଡି ହୋଇଛି ଆର୍ଟିଫିସିଆଲ ଇଣ୍ଟେଲିଜେନ୍ସ  (ଏଆଇ)। AI ଜୀବନକୁ ଆହୁରି ସହଜ କରିଦେଇଛି  । କିନ୍ତୁ ଅନଲାଇନ ଠକେଇ ପାଇଁ ଏବେ AIକୁ ବାଛିଛନ୍ତି ସାଇବର ଠକ  । ଏହା କଣ ସତରେ ସମ୍ଭବ ? କେମିତି ରହିବେ ସୁରକ୍ଷିତ ଆପଣାନ୍ତୁ କିଛି ଟିପ୍ସ  ।

ସୋସିଆଲ ମିଡିଆରେ ଆପଣ ବହୁତ ସାରା ରିଲ୍ସ ଦେଖିଥିବେ ଯେଉଁଥିରେ AI ଭଏସର ବ୍ୟବହାର ହେଉଛି  । ଏହା ପ୍ରକୃତରେ ଏକ ନକଲି ସ୍ବର  । AI ସାହାଯ୍ୟରେ ନକଲି ସ୍ବର ତିଆରି କରାଯାଇଛି  । ଯେକୌଣସି ବ୍ୟକ୍ତିଙ୍କ ସ୍ବରକୁ AI ସାହାଯ୍ୟରେ ନକଲି କରାଯାଇ ପାରିବ  । ଭଏସ କ୍ଲୋନିଂ କରିବା ପାଇଁ ବହୁତ ସାରା ସଫ୍ଟୱେୟାର ଉପଲବ୍ଧ ରହିଛି  । ଯାହାର ବ୍ୟବହାର କେହିବି କରିପାରିବେ  ।

ଏକ ରିପୋର୍ଟ ମୁତାବକ ଅଧିକାଂଶ ଭାରତୀୟଙ୍କ ପ୍ରକୃତ ଓ AI ସ୍ବର ମଧ୍ୟରେ ପାର୍ଥକ୍ୟ ଜଣାପଡୁ ନାହିଁ  । ଯଦି ଆପଣଙ୍କୁ ସାଇବର ଠକ ସିଧାସଳଖ ଫୋନ କରନ୍ତି ତାହା ବି ଆପଣଙ୍କୁ ଜଣା ପଡିବ ନାହିଁ  ।

କେମିତି ରହିବେ ସୁରକ୍ଷିତ ?

ସାଇବର ଠକଙ୍କ ଠୁ କେମିତି ନିଜକୁ ସୁରକ୍ଷିତ ରଖିବେ  । ଏଥିପାଇଁ ବହୁତ ଉପାୟ ରହିଛି  । ଯଦି ଆପଣଙ୍କ କେହି ବନ୍ଧୁ  କଲ୍‌ ମାଧ୍ୟମରେ ଟଙ୍କା ମାଗୁଛନ୍ତି ତାଙ୍କୁ ଭିଡିଓ କଲ୍‌ ପାଇଁ କୁହନ୍ତୁ  । ଆପଣ ସାଙ୍ଗେସାଙ୍ଗେ ଟଙ୍କା ଟ୍ରାନ୍ସଫର କରିବା ପରିବର୍ତ୍ତେ ଭଲଭାବେ ଯାଞ୍ଚ କରିନିଅନ୍ତୁ  । କିଛି ଟେକନିକ୍‌ ଆପଣାଇ ସାଇବର ଠକଙ୍କ ଠୁ ବର୍ତ୍ତି ପାରିବେ  ।