ଶ୍ରୀମୟୀ ମିଶ୍ରଙ୍କ ନାଁରେ ଟଙ୍କା ମାଗୁଛି ସାଇବର ଠକ

ଭୁବନେଶ୍ୱର: ପୂର୍ବତନ ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ରଙ୍କ ନାଁରେ ଫେକ୍ ହ୍ବାଟସଆପ୍ ଆକାଉଣ୍ଟ । ଫେକ ହ୍ବାଟସଆପ୍ ଆକାଉଣ୍ଟ ଖୋଲି ଟଙ୍କା ମାଗୁଛି ସାଇବର ଠକ । ଏନେଇ ସାଇବର ଥାନାରେ ଫେରାଦ୍ ହୋଇଛନ୍ତି ଶ୍ରୀମୟୀ ମିଶ୍ର । ସମସ୍ତଙ୍କୁ ଏହି ନମ୍ବରରୁ ମେସେଜ ରିସିଭ୍ ନକରିବାକୁ ଶ୍ରୀମୟୀ ନିବେଦନ କରିଛନ୍ତି ।

ସାଇବର ଠକ ଫେକ ଆକାଉଣ୍ଟ ଖୋଲି ଶ୍ରୀମୟୀଙ୍କ ଫଟୋକୁ ଡିପି ଭାବେ ବ୍ୟବହାର କରିଛି । ପାନ୍ଥନିବାସ ମ୍ୟାନେଜରମାନଙ୍କ ସହ ଏହି ନମ୍ବରରୁ ହ୍ବାଟସଆପ୍ ନମ୍ବରରୁ ପ୍ରଥମେ ଚ୍ୟାଟିଂ କରିଥିଲା ଠକ । ଧୀରେ ଧୀରେ ଟଙ୍କା ମାଗିବା ଆରମ୍ଭ କରିଥିଲା । ଯେଉଁଥି ପାଇଁ ମ୍ୟାନେଜରମାନଙ୍କ ସନ୍ଦେହ ଉପୁଜିଥିଲା । ପରେ ସେମାନେ ଶ୍ରୀମୟୀଙ୍କ ବ୍ୟକ୍ତିଗତ ଫୋନ୍ ନମ୍ବରକୁ ଫୋନ୍ କରିବାରୁ ପ୍ରକୃତ ସତ୍ୟ ପଦାକୁ ଆସିଥିଲା ।

ସେପଟେ ଶ୍ରୀମୟୀ ଠକର ଚାଟିଂକୁ ସାମାଜିକ ଗଣମାଧ୍ୟମରେ ପ୍ରକାଶ କରିଛନ୍ତି  । ଯଦି କେହି ଏଭଳି ଉପାୟରେ ଟଙ୍କା ମାଗୁଥାଏ, ତେବେ ଏଥିରୁ ନିବୃତ୍ତ ରହିବାକୁ ନିବେଦନ କରିଛନ୍ତି  । ତାଙ୍କ ଫଟୋକୁ ହ୍ୱାଟ୍ସଆପରେ ଲଗାଯାଇଛି  । ତେଣୁ ସହଜରେ ଶ୍ରୀମୟୀ ମିଶ୍ର ବୋଲି ସମ୍ପର୍କୀୟ ଭାବିନେବା ସହଜ ହେଉଛି  ।