ସୁଭଦ୍ରା ଯୋଜନା ନାଁରେ ସାଇବର କ୍ରାଇମ୍ !

ନନ୍ଦିଘୋଷ ବ୍ୟୁରୋ; ସୁଭଦ୍ରା ଯୋଜନାରେ ଟଙ୍କା ମିଳିବ କହି ଚଞ୍ଚକତା । ସୁଭଦ୍ରା ଯୋଜନା ନାଁରେ ସାଇବର କ୍ରାଇମ୍ !। ବାପା ଏବଂ ପୁଅ ଏହି ଠକେଇ କରିଥିବା ଗତକାଲି ଢ଼େଙ୍କାନାଳ ଟାଉନ ଥାନାରେ ଅଭିଯୋଗ ହୋଇଛି । ଅଭିଯୋଗ କରିଥିବା ଦୁଇ ଜଣ ହେଲେ ରାମେଶ୍ୱରପୁର ଅଂଚଳର ମୀନା ରାୟ ଓ ସାଗର ନାୟକ । ଭଗବାନପୁର ଅଂଚଳର ବାପ ପୁଅ ଦୁଇ ଜଣ ଉଭୟଙ୍କୁ ସୁଭଦ୍ରା ଯୋଜନାରେ ଆକାଉଣ୍ଟକୁ ଟଙ୍କା ମିଳିବ ବୋଲି ପ୍ରଲୋଭନ ଦେଖାଇ ଢେଙ୍କାନାଳ ସହର ଚନ୍ଦନ ବଜାର ଠାରେ ଥିବା ଏକ ଘରୋଇ ବ୍ୟାଙ୍କରେ ଦୁଇଟି ଆକାଉଂଟ ଖୋଲିଥିଲେ । ଆକାଉଂଟ ଖୋଲିବା ପରେ ବ୍ୟାଙ୍କରୁ ମିଳିଥିବା ଚେକ୍ ବହି, ଏଟିଏମକୁ ଚଞ୍ଚକତାର ସହ ଅଭିଯୁକ୍ତ ବାପପୁଅ ନେଇଯାଇଥିଲେ ।  କିଛିଦିନ ତଳେ ମୀନା ରାୟଙ୍କ ଆକାଉଂଟରେ ୨୦ ଲକ୍ଷ ଟଙ୍କା ଆସିଛି ବୋଲି ଉକ୍ତ ବ୍ୟାଙ୍କରୁ ତାଙ୍କ ପାଖକୁ ଏକ ନୋଟିସ ଆସିଥିଲା।  ସେହିପରି ଅନ୍ୟତମ ଅଭିଯୋଗକାରୀ ସାଗର ନାୟକଙ୍କ ଆକାଉଂଟକୁ ମଧ୍ୟ ୧ କୋଟି ୭୫ ଲକ୍ଷ ୮୮ ହଜାର ୪୨୮ ଟଙ୍କା ଆସିଥିଲା । ଏତେ ଟଙ୍କା ଡିପୋଜିଟ ହେବା ନେଇ ବ୍ୟାଙ୍କ କର୍ତୃପକ୍ଷ ଉଭୟଙ୍କୁ ନୋଟିସ୍ ଜାରି କରିଥିଲେ । ସେପଟେ ଏତେ ଟଙ୍କାର ଟ୍ରାନଜାକ୍ସନ୍ ଦେଖି ଦିଲ୍ଲୀ ସାଇବର ସେଲ ମଧ୍ୟ ଖୋଳତାଡ଼ ଆରମ୍ଭ କରିଥିଲା। ତେବେ ଏହି ଜମା ରାଶି ପରେ ଆକାଉଣ୍ଟରୁ କେହି ଉଠାଇ ନେଇଥିବା ସୂଚନା ମିଳିଛି । ଏହା କୈାଣସି ସାଇବର ଅପରାଧୀଙ୍କ କାମ କି ବ୍ୟାଙ୍କର ତୃଟି ତଦନ୍ତ ପରେ ସ୍ପଷ୍ଟ ହେବ  ।