ସାବଧାନ ! ପକେଟରେ ବି ସୁରକ୍ଷିତ ନୁହେଁ ATM, ଏହି ନୂଆ ମେସିନ୍ ଖାଲି କରି ଦେଇପାରେ ଆକାଉଣ୍ଟ
1 min read
ଶିମଳା: ସାଇବର କ୍ରାଇମ୍ ବଢ଼ି ଚାଲିଥିବା ବେଳେ ଏକ ଚାଞ୍ଚଲ୍ୟକର ଖବର ଆସିଛି । ଲୁଟେରା ଟେକ୍ନୋଲଜିର ଏମିତି ବ୍ୟବହାର କରୁଛନ୍ତି ଯେ ଆପଣଙ୍କ ପକେଟରେ ଥିବା ଏଟିଏମ ବି ସୁରକ୍ଷିତ ନୁହେଁ । ସାଇବର ଲୁଟେରାଙ୍କ ହାତରେ ଏମିତି ଏକ ମେସିନ୍ ଲାଗିଛି ଯାହା ୧୦୦ ମିଟର ଦୂରରେ ପର୍ସ ଭିତରେ ଥିବା ଏଟିଏମକୁ ସ୍କାନ କରି ସମସ୍ତ ଡାଟା ଚୋରି କରିପାରିବ । ଆଖି ପିଛୁଳାକେ ଖାଲି କରିଦେବ ଆପଣଙ୍କ ଆକାଉଣ୍ଟରୁ ଟଙ୍କା ।
ଏହି ମେସିନର ନାଁ ହେଉଛି ୱାଇଫାଇ ସ୍କାମର । ହିମାଚଳ ପ୍ରଦେଶରେ ଏହି ପ୍ରକାରର କୌଣସି ମାମଲା ଆସିନାହିଁ । କିନ୍ତୁ ଆଶଙ୍କା କରାଯାଉଛି ବିଗତ ଦିନରେ ଯେଉଁ ଏଟିଏମ କ୍ଲୋନିଂ ମାମଲା ଆସିଥିଲା । ସେଥିରେ ୱାଇଫାଇ ସ୍କାମରର ବ୍ୟବହାର କରାଯାଇଥିଲା । ସାଇବର ଥାନା ପୋଲିସ ଏହି ଦିଗର ଯାଞ୍ଚ କରୁଛି ।
ସାଇବର ଥାନାର ଆଡିସନାଲ ଏସପି ନରବୀର ସିଂହ ରାଠୋର କହିଛନ୍ତି- ଲୁଟେରା ଏଟିଏମ୍ ମେସିନରୁ ଟଙ୍କା କାଢ଼ୁଥିବା ଅବା ଅନ୍ୟ କୌଣସି ସ୍ଥାନରେ ଏଟିଏମରେ ଟଙ୍କା ପୈଠ କରୁଥିବା ଲୋକଙ୍କ କାର୍ଡକୁ ବ୍ୟବହାର କରନ୍ତି । ସାଇବର ଲୁଟେରା ସେହି ଠାରୁ ଅଳ୍ପ କିଛି ଦୂରରେ ବସି ୱାଇଫାଇ ସ୍କାମର ନାମକ ଏକ ମେସିନ ବ୍ୟବହାର କରନ୍ତି । ଏହି ମେସିନରେ ୱାଇଫାଇଲ୍ ଲାଗିଥାଏ, ଯାହାକୁ ଜିଏସଏମ୍ ମଡ୍ୟୁଲ୍ ରିସିଭର । ଏହାର ସଫ୍ଟୱେର କୌଣସି ଟର୍ମିନଲ ଅଥବା ପିଓଏସ୍ ମେସିନ୍ ଜଡ଼ିତ ଥାଏ । ଲୁଟେରା ଏଟିଏମଠାରୁ ଦୂରରେ ରହି ଏହି ମେସିନକୁ ଏକ୍ସ-ରେ ମେସିନ ଭଳି ବ୍ୟବହାର କରି ଏଟିଏମକୁ ସ୍କାନ କରିନିଏ । ଫଳରେ ଲୁଟେରା ଲାପଟପ ଅଥବା ଅନ୍ୟ ଡିଭାଇସକୁ ଏଟିଏମ୍ ପିନ୍ ନମ୍ବର ସହିତ ଅନ୍ୟ ସୂଚନା ଆସିଯାଏ । ଏହି ଗୋପନୀୟ ସୂଚନା ସାହାଯ୍ୟରେ ଲୁଟେରା ଏଟିଏମ୍ ତିଆରି କରି ବ୍ୟାଙ୍କ ଖାତାରୁ ଟଙ୍କା କାଢ଼ିନିଏ ।
ରାଠୋରଙ୍କ ଅନୁସାରେ ରାଜ୍ୟରେ ଏବେ ଯାଏଁ ଏଟିଏମ୍ କ୍ଲୋନିଂର ୫ଟି ମାମଲା ସାମନାକୁ ଆସିଛି । ଆନ୍ତଃରାଜୀୟ ବସ୍ ଷ୍ଟାଣ୍ଡ ଶିମଳା, ସୋଲନ ଓ କାଙ୍ଗଡ଼ାରେ ଏମିତି ମାମଲା ଆସିଛି । ଯେଉଁଥିରେ ଅଭିଯୋଗକାରୀଙ୍କ ପାଖାପାଖି ୮୦ ହଜାର ଟଙ୍କା ଠକେଇର ଶିକାର ହୋଇଛନ୍ତି । ଏହି ଠକେଇରେ ଏଭଳି କୌଣସି ମେସିନ୍ ବ୍ୟବହାର ହୋଇଥିବା ନେଇ ତାର ଯାଞ୍ଚ ଚାଲିଛି । ଲୋକଙ୍କୁ ସତର୍କ ରହିବାକୁ ପୋଲିସ କହିଛି ।
ସାଇବର ଠକେଇରୁ କେମିତି ବଞ୍ଚିବେ ?
ଠକେଇରୁ ବର୍ତ୍ତିବା ଲାଗି ପୋଲିସ ଲୋକଙ୍କୁ ପରାମର୍ଶ ଦେଇଛି । ଏଟିଏମ ରଖିବା ପାଇଁ ମିଳୁଥିବା ସ୍ୱତନ୍ତ୍ର ୱାଲେଟ୍ ବ୍ୟବହାର ପାଇଁ ପୋଲିସ କହିଛି । ବିଶେଷ ୱାଲେଟରୁ ସ୍କାନିଂ ହୋଇପାରିବ ନାହିଁ । ଏଥିସହ ଅତିରିକ୍ତ ସୁରକ୍ଷା ସହ ଏଟିଏମ ଓ କ୍ରେଡିଟ୍ କାର୍ଡ ବ୍ୟବହାର ସହ ବେଳେ ବେଳେ ପିନ୍ ନମ୍ବର ବଦଳାନ୍ତୁ । ସମ୍ଭବ ହେଲେ ଅଧିକରୁ ଅଧିକ ଅନଲାଇନ୍ ପେମେଣ୍ଟ କରନ୍ତୁ ।
