ଜାଣନ୍ତୁ କାହିଁକି ୧.୪ ଲକ୍ଷ ମୋବାଇଲ ଏବଂ ୩ ଲକ୍ଷ ସିମ ବନ୍ଦ କଲେ ସରକାର

ନନ୍ଦିଘୋଷ ବ୍ୟୁରୋ: ଦିନକୁ ଦିନ ସାଇବର ଠକେଇ ସଂଖ୍ୟା ବଢ଼ୁଥିବାବେଳେ ସାଧାରଣ ଲୋକ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଯାହାକୁ ଦୃଷ୍ଟିରେ କେନ୍ଦ୍ର ସରକାର ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇଛନ୍ତି । ସାଇବର ଠକେଇ ରୋକିବା ପାଇଁ ୧.୪ ଲକ୍ଷ ମୋବାଇଲ ବନ୍ଦ କରାଯାଇଥିବାବେଳେ ୩ ଲକ୍ଷ ସିମ ବ୍ଲକ କରାଯାଇଛି । ସେପଟେ ୫୦୦ ଲୋକଙ୍କୁ ଗିରଫ କରାଯାଇଛି । ଶୁକ୍ରବାର ସାଇବର ଠକାମିକୁ ରୋକିବା ଉପରେ ଏଭଳି ଏକ ଗୁରୁତ୍ବପୂର୍ଣ୍ଣ ବୈଠକରେ ଆଲୋଚନା ହୋଇଥିଲା । ଏପଆଇ ଏକୀକରଣ ମାଧ୍ୟମରେ (CFCFRMS) ପ୍ଲାଟଫର୍ମରେ ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନଗୁଡ଼ିକର ଅନବୋର୍ଡିଂ ସହିତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରାଯାଇଥିଲା  । ବିବୃତ୍ତି ଅନୁଯାୟୀ, CFCFRMS ପ୍ଲାଟଫର୍ମକୁ ଜାତୀୟ ସାଇବର କ୍ରାଇମ ସୂଚନା ପୋର୍ଟାଲ (NCRP) ସହିତ ସଂଯୋଗ କରାଯିବ। ଏହା ପୋଲିସ, ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନ ମଧ୍ୟରେ ଉତ୍ତମ ସମନ୍ୱୟକୁ ସକ୍ଷମ କରିବ |