ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତକୁ ଆଉ ଏକ ସ୍ୱର୍ଣ୍ଣ; ପୁରୁଷ ବ୍ୟାଡମିଣ୍ଟନରେ ସ୍ୱର୍ଣ୍ଣ ଜିତିଲେ ଲକ୍ଷ୍ୟ
1 min read
ବର୍ମିଂହମ୍; ଚଳିତ ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତକୁ ଆଉ ଏକ ସ୍ୱର୍ଣ୍ଣ । ପୁରୁଷ ବ୍ୟାଡମଣ୍ଟନରେ ସ୍ୱର୍ଣ୍ଣ ଜିତିଲେ ଲକ୍ଷ୍ୟ ସେନ୍ । ମାଲେସିଆ ପ୍ରତିନ୍ଦ୍ୱନ୍ଦ୍ୱିଙ୍କୁ ୧୯-୨୧, ୨୧-୯, ୨୧-୧୬ରେ ପରାସ୍ତ କରି ଏହି ଗୌରବ ଆଣିଛନ୍ତି । ପ୍ରଥମ ସେଟ୍ରେ ଅବଶ୍ୟ ଲକ୍ଷ୍ୟ ପଛରେ ରହିଯାଇଥିଲେ । କିନ୍ତୁ ପରବର୍ତ୍ତୀ ସେଟରେ ଦମଦାର ପ୍ରତ୍ୟାବର୍ତ୍ତନ କରିଥିଲେ ଲକ୍ଷ୍ୟ ସେନ୍ ।
ପ୍ରଥମ ସେଟରେ ୧୯-୨୧ରେ ପଛୁଆ ହୋଇଥିବା ଲକ୍ଷ୍ୟ ଦ୍ୱିତୀୟ ସେଟରେ ଦମଦାର ପ୍ରଦର୍ଶନ କରି ୨୧-୯ରେ ମାତ୍ ଦେଇଥିଲେ । ୧-୧ରେ ବରାବର ହେବା ପରେ ଶେଷ ସେଟରେ ଲକ୍ଷ୍ୟ ସେନ ଚମତ୍କାର ପ୍ରଦର୍ଶନ କରି ମାଲେସିଆ ପ୍ରତିଯୋଗୀ ଜି.ଯେ. ୟଙ୍ଗଙ୍କୁ ୨୧-୧୬ ସେଟରେ ମାତ୍ ଦେଇ ଫାଇନାଲ ମୁକାବିଲା ଜିତିନେଇଛନ୍ତି ।
ଲକ୍ଷ୍ୟ ସେନଙ୍କ ସ୍ୱର୍ଣ୍ଣ ପଦକ ସହ ରାଜ୍ୟଗୋଷ୍ଠୀ କ୍ରୀଡାରେ ଭାରତର ମୋଟ ମେଡାଲ ସଂଖ୍ୟା ୫୭ରେ ପହଞ୍ଚିଛି । ଭାରତ ଏଥି ସହିତ ମେଡାଲ ଟେବୁଲର ୪ର୍ଥ କୁ ଉଠିଛି । CWG ୨୦୨୨ରେ ବର୍ତ୍ତମାନ ସୁଦ୍ଧା ଭାରତ ନିକଟରେ ୨୦ଟି ସ୍ୱର୍ଣ୍ଣ ପଦକ ରହିଥିବା ବେଳେ ୧୫ଟି ରୌପ୍ୟ ଏବଂ ୨୨ଟି ବ୍ରୋଞ୍ଜ ପଦକ ରହିଛି ।
