ସିନ୍ଥେଟିକ୍ ପନିରର ଚେର କୋଲକତା ପର୍ଯ୍ୟନ୍ତ ଲମ୍ବିଛି

କଟକ: ସିଲ୍‌ଭର ସିଟିରେ ସିନ୍ଥେଟିକ୍ ପନିର ଜବତ ଘଟଣାରେ ପ୍ରତିକ୍ରିୟା ରଖିଛନ୍ତି କଟକ ଡିସିପି ପ୍ରତୀକ ସିଂ । ଭେଜାଲ ପନିରର ଚେର କୋଲକତା ପର୍ଯ୍ୟନ୍ତ ଲମ୍ବିଥିବା ସୂଚନା । ଦିନକୁ କେଜିଏ କି ଦୁଇକେଜି ନୁହେଁ, କଟକ ସହରକୁ ପ୍ରତିଦିନ ୫ରୁ ୧୦ କୁଇଣ୍ଟାଲ ପନିର ଆସୁଥିବା ଜଣାପଡ଼ିଛି । ଏନେଇ ଏପର୍ଯ୍ୟନ୍ତ ସୁଦ୍ଧା ଜଣଙ୍କୁ ଗିରଫ କରିଛି ପୋଲିସ ।

ଡିସିପି ପ୍ରତୀକ ସିଂ କହିଛନ୍ତି ଯେ, ଘଟଣାର ତଦନ୍ତ ପାଇଁ ଗୋଟିଏ ଟିମ୍ କୋଲକତାକୁ ପଠାଯାଇଛି । ଏବଂ ତଦନ୍ତରେ ଖାଦ୍ୟ ନିରାପତ୍ତା ବିଭାଗ ସହଯୋଗ କରୁଛି । ସବୁ ବଡ଼ ବଡ଼ ମାର୍କେଟରେ ତନାଘନା ଜାରି ରହିଛି । କେଉଁ କେଉଁ ସ୍ଥାନକୁ ଚାଲଣ ହେଉଥିଲା ସେନେଇ ସୂଚନା ମିଳିଛି । ସେହିପରି ପୋଲିସର ସ୍ୱତନ୍ତ୍ର ଟିମ୍ ଏମିତି ସାମଗ୍ରୀ ଉପରେ ନଜର ରଖିଛି, ଖବର ମିଳିବା ମାତ୍ରେ ପୋଲିସ ଚଢାଉ କରିବାନେଇ କହିଛନ୍ତି ଡିସିପି ।

ସିଟିରେ ସିନ୍ଥେଟିକ୍ ପନିର ବ୍ୟବସାୟ ଅଭିଯୋଗରେ ଶୁକଦେବ ସାହୁଙ୍କୁ ଗିରଫ କରିଛି ଚାଉଳିଆଗଞ୍ଜ ପୋଲିସ । ପ୍ରଶାସନ ଆଖିରେ ଆଙ୍ଗୁଳି ଗେଞ୍ଜି ଖୁଲମଖୁଲା ବିକ୍ରି କରାଯାଉଥିଲା ବିଷ । କୋଲକାତାରୁ କଟକ ଭାୟା ବାଲେଶ୍ୱର ଦେଇ ଆସୁଥିଲା ଏହି ଭେଜାଲ ପନିର । କଟକର ଓଏମ୍‌ପି ଛକରେ ଚଢ଼ଉ କରି ବିପୁଳ ପରିମାଣର ପନିର ଜବତ କରିଥିଲା ଚାଉଳିଆଗଞ୍ଜ  ଥାନା ପୋଲିସ  । ଘଟଣାରେ ବର୍ତ୍ତମାନ ଶୁକଦେବ ସାହୁ ନାମକ ବ୍ୟବସାୟୀଙ୍କୁ ଗିରଫ କରାଯାଇଥିବା ବେଳେ ୪ଜଣ ଫେରାର ଅଛନ୍ତି ।

Leave a Reply